ElaseFrance lizidlisa satshanyana kuMbokazi
Sekuvele ukuthi kuneqembu laseFrance eselihlonze umdlali wasemuva weChicago Fire, uMbekezeli Mbokazi njengelingavala ngaye isikhala somunye olishiyile.
Imibiko eqhamuka eFrance iveza ukuthi iRC Lens icinga umdlali ezovala ngaye isikhala sikaMalang Sarr.
Njengoba uSarr ehamba, iRC Lens isihlonze abadlali ababili abafana ebabona befana naye ukuze ivale isikhala sakhe.
Owokuqala ngumdlali weChelsea, uBenoît Badiashile, kodwa kubikwa ukuthi leli qembu lase-England lifuna imali ecishe ibe ngu-€30 million (R556 million) ngaye.
Owesibili ngu-Mbekezeli Mbokazi, oneminyaka engu-20, osanda kujoyina iChicago Fire kwiMajor League Soccer (MLS) esuka kwi-Orlando Pirates.
Kubikwa ukuthi iRC Lens iyamthakasela kakhulu lo mdlali waseNingizimu Afrika, ikakhulukazi ngemuva kokudlala kahle kwakhe kwiNdebe yoMhlaba.
Lo mdlali usenemidlalo engu-14 egqoke ijezi leBafana Bafana, kanti ukusebenza kwakhe okuhle kule midlalo kuthiwa kumenze waheha amehlo amaqembu ase-Europe.
Umbiko uthi iRC Lens ibona uMbokazi njengomdlali engatshala kuye imali ngona ingase imdayise ngetshe lemali esikhathini esizayo.
- FUNDA NALA | UFreese uveza okumxabanise neMagesi
Njengamanje uTLB ubiza imali elinganiselwa ku-€3.5 million (R64 million) okungenza kube lula kwiRC Lens ukumsayina.
Uma lokhu kwenzeka, u-Mbekezeli Mbokazi angase athuthele eFrance maduze okungaba yinto enhle kuye ukuze aqhubeke nokukhula ebholeni.
- EZISHISAYO| Cofa lapha usithole kuWhatsApp
