Kukhona okusina kumjeqeza uKaze kwiSekhukhune
Ukwehlulwa kathathu kulandelana kubukeka sekufake ikusasa lika-Cedric Kaze engcupheni enkulu kwi-Sekhukhune United.
Imibiko yakamuva iveza ukuthi abaphathi sebecabanga ukuthi kuqedwe ubudlelwano nalomqeqeshi waseBurundi.
UKaze ujoyine leli qembu ngaphambi kokuqala kwesizini, esuka kwiKaizer Chiefs.
KuMakhosi ubengumqeqeshi obambisene noKhalil Ben Youssef futhi basiza leli qembu laqeda endaweni yesithathu.
Uqale kahle emsebenzini wakhe omusha. Uqale ngokuwina imidlalo emibili yeligi.
Uphinde wasiza iqembu lafinyelela esigabeni esilandelayo seMTN8 ngemuva kokukhipha AmaZulu FC.
Kodwa izinto seziguqukile. Iqembu selilahlekelwe imidlalo emibili yeligi.
Liphinde lahlulwa kabili yi-Orlando Pirates kwiMTN8.
Lokhu kubukeka sekufake u-Cedric Kaze ngaphansi kwengcindezi enkulu kubaphathi be-Sekhukhune United.
Abaphathi beqembu kubikwa ukuthi sebecabanga ngekusasa lakhe.
- FUNDA NALA | USelepe uphawula ngomdlalo wakhe kwiBucs
Kungenzeka kube noshintsho ebhentshini uma imiphumela ingathuthuki.
Ukwehlulwa yiPirates kathathu ngesikhathi esifushane kubukeka kube yimbangela enkulu yale nkinga.
- EZISHISAYO|Â Cofa lapha usithole kuWhatsApp
