UDladla uveza akubheke kwi-Arrows koweSundowns
Umqeqeshi weLamontville Golden Arrows, uPitso Dladla, ufuna iqembu lakhe likhombise ulaka nesifiso sokushaya amagoli uma selibhekene neMamelodi Sundowns kwiMTN8.
I-Arrows inqobe iSundowns ngo 1-0 emlenzeni wokuqala eLucas Moripe Stadium ngesonto eledlule.
Igoli likaSede Junior Dion yilo elaweza leli qembu laseThekwini ukuze lizibeke endaweni engcono.
UDladla uthe abadlali bakhe kumele babe nolaka uma befuna ukufinyelela kowamanqamu.
“Besazi ukuthi kuzoba nezikhathi lapho sizohlupheka khona,” kusho uDladla.
“Sibe neziqubu zokuhlasela ngokuzimisa eziningi ebesingazisebenzisa ukushaya amagoli.
Uthe i-Arrows kumele izame ukushaya igoli kuqala.
“Sinethuba legoli lasekuhambeni, kodwa kumele sibe nolaka, sishaye kuqala. Uma sithola igoli, sizoba nethuba elikhulu lokunqoba.”
I-Arrows idinga ukudlala ngokulingana kuphela ukuze idlulele phambili, kanti iSundowns kumele inqobe.
- FUNDA NALA | IPirates ibukise ngeSekhukhune
Ibophele kanje i-Arrows: Mbanjwa, Angnikoi, Shezi, Dlamini, Mantshiyane, Sithole, Maluleke, Maxwele, Dion, Gasa, Zwane.
ISundowns ibophele kanje: Williams, Kekana, Ndamane, Morena, Basadien, Allende, Mokoena, Ndlovu, Matthews, Mailula, Leon.
- EZISHISAYO| Cofa lapha usithole kuWhatsApp
