Kuvela okwenze uMakhanya ‘anyamalale’ kwiPhiladelphia Union

Umdlali wasemuva weBafana Bafana, u-Olwethu Makhanya, akakabuyeli kwiPhiladelphia Union njengoba iqale amalungiselelo esizini entsha nje.

Sekuvele ukuthi lokhu kwenzeka ngoba lo mdlali ezama ukuphoqa ukuthi adedelwe yileli qembu leMajor League Soccer (MLS).

Lo mdlali oneminyaka engu-21 ubudala kubikwa ukuthi akajabule ngemuva kokungaphumeleli kokudlulela kwakhe eqenjini laseBelgium ebelimfuna. 

U-Olwethu Makhanya kukholakala ukuthi ucabanga ukuthi iPhiladelphia Union ivimbe leso sivumelwano ekubeni kwakuvunyelwene ukuthi izomdedela ahambe.

Nokho, iPhiladelphia Union ithi ayenzanga iphutha, igcizelela ukuthi imali ebekwe yiqembu laseBelgium ibingaphansi kakhulu kwenani elibheke ngalo mdlali owayedlalela iStellenbosch FC.

Kusenjalo, izinkunzi zaseScotland, iRangers, nazo sezike zavela zibuza ngesimo sikaMakhanya. 

Nokho, izingxoxo phakathi kwamaqembu azikafinyeleli esigabeni esitheni.

Njengoba kusondela ukuqala kwesizini entsha, ikusasa lika-Olwethu Makhanya lisalokhu lingacaci. 

• FUNDA NALA | UDoctor nezinsolo ngolukaLilepo neChiefs

Kusazobonakala ukuthi iPhiladelphia Union izowuguqula yini umqondo noma kukhona elinye iqembu elizohlangabezana nenani elifunwayo ukuze umdlali afeze isifiso sakhe sokushintsha ikilabhu.

• EZISHISAYO| Cofa lapha usithole kuWhatsApp