Usizi luzwa olunye kwiChiefs esibhule amazolo kwiConfed Cup
I-Kaizer Chiefs iphume kabuhlungu kwiCaf Confederation Cup ngemuva kokuhlulwa yiRed Arrows ngo 3-2 sekukhahlelwa amaphenathi eMoses Mabhida Stadium ngoLwesihlanu ebusuku.
Amakhosi anqobe ngo 1-0 emizuzwini engu-90, kodwa lokho akwanelanga njengoba sekuhlanganiswe imiphumela yemidlalo yomibili kwaba ngu 1-1.
IRed Arrows ibe isinqoba ngamaphenathi, yaqinisekisa indawo yayo esigabeni samaqoqo okokuqala emlandweni wayo kulo mqhudelwano.
UBradley Cross ushaye igoli elinike iChiefs ithemba lokuguqula izinto ngemuva kokuhlulwa ngo 1-0 emlenzeni wokuqala eNdola, eZambia.
Umqeqeshi uFernando Da Cruz ubenze izinguquko ngaphambi komdlalo. UBruce Bvuma uqale emapalini esikhundleni sikaRenaldo Leaner, obengadlali ngenxa yokulimala ejimini.
UMfundo Vilakazi naye akazange aqale, kwathi uFaiz Abrahams, uMduduzi Shabalala noWandile Duba bathola ithuba lokuqala phambili.
Nokho, yize i-Kaizer Chiefs ikwazile ukuthola igoli ebelidingeka, yehlulekile ukuthola elesibili ebelizoyiqhubezela phambili.Â
IRed Arrows ibambile yaze yafinyelela kumaphenathi, lapho igcine inqobe khona ngo 3-2.
Lokhu kwehlulwa kuzophinde kwandise ingcindezi kuDa Cruz.
IChiefs ibivele isinemidlalo emine ingayinqobi kuyo yonke imiqhudelwano, kanti ukuphuma kwiConfed Cup kuzophinde kubacasule abalandeli.
Amakhosi abenethemba lokufinyelela esigabeni samaqoqo okwesibili kulandelana, kodwa agcine eshiyeke ngaphandle.
- FUNDA NALA | UMbuthuma usale ngaphandle kowe-African Stars ekhaya
IRed Arrows yona izobukhumbula lobu busuku isikhathi eside.
Yashaya iChiefs ngo 1-0 emlenzeni wokuqala ngegoli lika-Alassane Diarra, ngaphambi kokuthi iqede umsebenzi ngamaphenathi eThekwini.
- EZISHISAYO!|Â Cofa lapha usithole kuWhatsApp
