URonwen Williams ubhoboka ‘ngokuvuselele’ iDowns
Ukaputeni weMamelodi Sundowns uRonwen Williams useveze okwenzeke ngale esithe ngesonto ebelishubile eChloorkop.
Uveze ukuthi umhlangano ophuthumayo “wokulungisa umoya” nosihlalo uTlhopie Motsepe yiwona owenze ukuthi banqobe ngo 2-0 behlula iMC Alger ngoMgqibelo.
Ukusho lokhu ekhuluma nabeRadio 2000 kulandela ukunqoba okudlulisele iSundowns esigabeni somkhumulajezi kwiCaf Champions League.
UWilliams uvumile ukuthi iqembu belisendaweni “emnyama” ngaphambi kwalo mdlalo obuseLoftus Stadium.
OKUSHUBISE UMOYA
Ngaphambi komdlalo neMC Alger ngokungangabazeki kube nesiyaluyalu esibi ekhempini yeSundowns.
Leli qembu ebeliphethe ibhola laseNingizimu Afrika kule minyaka embalwa edlule, linyakaziswe wukuthi:
- Ukumiswa: Umhlaziyi osenesikhathi eside uMario Masha umisiwe ezinsukwini ezimbalwa ngaphambi komdlalo.
Lokhu kungemuva kwezinsolo zokuputshuzela uRulani Mokwena imininingwane yamaqhinga. - Ukwehla komgqigqo: ISundowns ingene emdlalweni inganqobile emidlalweni emine yeChampions League
Beyibuya emdlalweni onzima la ibambane khona ngo 1-1 neSaint-Éloi Lupopo ekuhambeni.
ISIXAZULULO
URonwen Williams uthe lo mhlangano ababe nawo ube nomthelela omkhulu ekutheni babuyisane njengeqembu.
“Ngicabanga ukuthi lona kube wumdlalo esidlale kangcono kakhulu kuwo kule sizini,” kusho uWilliams.
“Kodwa bengivele nginomuzwa wokuthi izinto ziyalunga ikakhulukazi ngemuva kokwenzeke ezinsukwini ezingu-10 ezidlule.
“Sibe nemihlangano yangaphakathi, kukhona nosihlalo, ukuze silungise umoya futhi isimo sesingcono kakhulu.”
UKUNGENELELA KUKAMOTSEPE
Usihlalo wekilabhu uTlhopie Motsepe kubikwa ukuthi ungenelele ukuzxazulula “isiphithiphithi sangaphakathi” obekubikwa kakhulu ngaso.
Ngokukhuluma nabadlali ngqo, uMotsepe kubonakala ewususile umsindo wangaphandle ohambisana nombango noMokwena.
Uphinde wadambisa isimo sengqondo mayelana nehlazo “lobunhloli”, wavumela iqembu ukuthi ligxile kokwenzeka enkundleni.
UMTHELELA WOMHLANGANO
- Ukuqina emuva: UWilliams akazange asebenze kangako kulo mdlalo wangoMgqibelo njengoba iSundowns iyivimbe kahle iMC Alger.
Igcine iphoqeleka ukukhahlelela ipali ikude, kanti ibhola elikhahlelwe laqonda epalini libe linye vo. - Ukusebenza kweqhinga: Naphezu kokwesaba ngokuputshuka kweqhinga, amaBrazilians abukeke ehleleke kahle kakhulu.
Ukukhuluma kanjena kukaRonwen Williams kugqamisa ukuthi umoya egumbini lokushintshela leMamelodi Sundowns usubuyele esimweni esijwayelekile.
Ukungenelela kukasihlalo kubonakala kusindise okungaphezu nje komkhankaso weChampions League.
Kungenzeka nokuthi kusindise uMiguel Cardoso njengoba ebengaphansi kwengcindezi enkulu ngaphambi kwalo mdlalo.
FUNDA NALA | UTovey uveza omthelela wokuphuma kweChiefs kwiConfed Cup
Abalandeli bazothemba ukuthi iqembu lizophinde likwazi ukubambisana uma selibhekene nePirates.
Lamaqembu azokhiphana inkani emdlalweni okubukeka uzosinda kuwo womabili weBetway Premiership ngoLwesithathu ebusuku.
