UXulu uchaza ngeqhinga elimsize ‘wabukisa’ ngoPetersen
Umdlali weRichards Bay u-Nqaba Xulu usechaze ngeqhinga lokucindezela u-Brandon Petersen eliholele egolini lakhe lokuqala.
UXulu ubeke uPetersen ngaphansi kwengcindezi ngesikhathi iRichards Bay ibambana ngo 2-2 neKaizer Chiefs ngoLwesithathu.
Lo mdlalo ubusePrincess Magogo Stadium kanti udlalwe liyidliva imvula, okuyinto uXulu ayisebenzisile.
U-Nqaba Xulu uthi ukucindezela u-Brandon Petersen bekuyingxenye yecebo labo abebelihlelile ngesikhathi belungiselela umdlalo.
“Mayelana nokumcindezela, besikuhlelile lokho,” kusho uXulu.
“Kodwa lokho besifuna ukukwenza ngezikhathi ezithile.”
Uphinde waveza ukuthi isimo senkundla ngenxa yemvula sibe nomthelela esinqumweni sakhe.
“Ngaleso sikhathi ngibonile ukuthi njengoba inkundla imanzi, ngingafika kuqala ebholeni.
“Bengazi ukuthi uma uPetersen ezama ukulidlala, lizomphunyuka ngenxa yokuba manzi kwenkundla.”
U-Nqaba Xulu ugcine emshaye kabili u-Brandon Petersen njengoba eshaye amagoli amabili kulo mdlalo.
- FUNDA NALA | U-Ouaddou uveza avuselele ngakho uRadiopane
Nakwelesibili uphambanise lo nozinti nebhola ngesikhathi izitobha zimyeka alingqofe ngokukhululeka.
Lokhu kwenze iRichards Bay yathola elinye iphuzu, kanti iChiefs yehlela endaweni yesithathu kuBetway Premiership.
- EZISHISAYO| Cofa lapha usithole kuWhatsApp
