UBroos ushintshe umshovo kwiBafana kowesibili

U-Hugo Broos usephonse idayisi lokugcina ngokwenza izinguquko ezinkulu nezihlaselayo eqenjini le-Bafana Bafana emdlalweni weCzechia kwiNdebe yoMhlaba.

Lo mdlalo uzoba seMercedes-Benz Stadium e-Atlanta ngoLwesine ngo-6 ntambama.

Sekuphele isonto iBafana ihlazeke ngokuhlulwa ngo 2-0 yiMexico emdlalweni wayo wokuqala. 

Okubuhlungu kakhulu ukuthi iqembu lalahlekelwa abadlali ababili ababalulekile, uThemba Zwane noSiphephelo Sithole, abathola amakhadi abomvu.

Lokho kushiye iBafana isezansi kuGroup A futhi ibhekene nengcindezi enkulu.

Ukwehlulwa namuhla kungasho ukuphela kwamaphupho okuqhubekela esigabeni esilandelayo.

Ukunqoba kungavusa ithemba elisha ngaphambi komdlalo wokugcina neSouth Korea.

U-Hugo Broos usenqume ukushintsha indlela i-Bafana Bafana ezodlala ngayo, ekhetha iqembu elibukeka ligxike ekuhlaseleni. 

URonwen Williams uyaqhubeka epalini, kanti uTeboho Mokoena, uThalente Mbatha, uJayden Adams, u-Oswin Appollis no-Iqraam Rayners bazohola umkhankaso wokufuna amagoli.

Ngakolunye uhlangothi, iCzechia nayo ingaphansi kwengcindezi ngemuva kokuhlulwa yiSouth Korea. 

Lokhu kusho ukuthi womabili amaqembu adlalela ukuphila emqhudelwaneni.

Abalandeli be-Bafana Bafana bazobe bethembele ekutheni lezi zinguquko zika-Hugo Broos zizokwenza umehluko. Zibophele: 

IBafana: Williams, Mudau, Okon, Mbokazi, Modiba, Mbatha, Mokoena, Adams, Appollis, Maseko, Rayners

Ebhentshini: Chaine, Goss, Matuludi, Ndamane, Kabini, Sibisi, Makhanya, Cross, Moremi, Foster, Mofokeng, Makgopa, Sebelebele

 ICzechia: Kovar, Holes, Hranac, Coufal, Krejci, Darida, Cerv, Sadilek, Sojka, Hlozek, Schick

Ebhentshini: Stanek, Hornicek, Zima, Chapoulek, Zeleny, Doudera, Provod, Soucek, Sochurek, Kuchta, Chytil, Sulc, Chory, Visinsky.

• EZISHISAYO| Cofa lapha usithole kuWhatsApp