UDa Cruz ucacisa ngesimo sikaMtasingwa okhuhla ibhentshi
Umqeqeshi weKaizer Chiefs uFernando da Cruz usechaze ukuthi kungani u-Adolf Mtasingwa engakasitholi isikhathi sokudlala kule sizini.
UDa Cruz uthi akusikho ukungamethembi lo mdlali, kodwa inkinga yisikhathi asitholile sokuzijwayeza indlela okudlalwa ngayo.
Lo mdlali wasesiswini oneminyaka engu-27 ifike kwiChiefs esuka kwi-Azam FC yaseTanzania ngasekupheleni kukaJulayi.
Ngaleso sikhathi bese kusele izinsuku ezimbalwa ngaphambi kokuthi kuqale iligi.
Ngaleso sikhathi amalungiselelo ayesesemaphethelweni, futhi uhlelo lokudlala seluqalile ukwakheka.
UMtasingwa usedlale imidlalo emithathu kuyo yonke imiqhudelwano, kodwa akakakwazi ukungena ngokuphelele eqenjini.
Nokho uFernando Da Cruz uthi lokhu bekulindelekile ngenxa yokufika kuka-Adolf Mtasingwa sekwephuzile.
“Kuhlobene nokuzivumelanisa kwakhe neNingizimu Afrika ngoba wafika sekwephuzile,” kusho lo mqeqeshi.
“Ngakho udinga isikhathi sokuzijwayela indlela yethu yokudlala.”
Nokho, lo mqeqeshi ugcizelele ukuthi uyamethemba kakhulu uMtasingwa.
“Kodwa ngimethemba kakhulu. Ngemuva kwekhefu leFIFA sizodlala imidlalo eminingi,” kuqhuba uDa Cruz.
“Ngakho sizodinga wonke umuntu futhi u-Adolf uzothola imizuzu ngaleso sikhathi.”
IChiefs izobhekana neGolden Arrows ngeSonto elizayo ngaphambi kwekhefu lemidlalo yamazwe.
- FUNDA NALA | U-Ouaddou uveza okumkhathazayo kwiBucs
Ngemuva kwalokho uhlelo lwemidlalo luzoba matasa, okungase kwenze uFernando Da Cruz anike u-Adolf Mtasingwa ithuba lokuzibonakalisa.
- EZISHISAYO| Cofa lapha usithole kuWhatsApp
