Seziqhathiwe kwiMTN8: iPirates neSundowns baqhatheke ‘kahle’
Sekwaziwa ngokusemthethweni ukuthi i-Orlando Pirates neMamelodi Sundowns bazobhekana nobani emidlalweni eyandulela owamanqamu.
Abavikela isicoco, i-Orlando Pirates, bazobhekana neSekhukhune United emdlalweni wemilenze emibili.
IPirates izoqala ngokuvakashela iSekhukhune emlenzeni wokuqala ngemuva kokukhipha iDurban City ngo 2-1 ngemuva kwesikhathi esengeziwe.
ISekhukhune yona ifike kulesi sigaba ngemuva kokunqoba AmaZulu FC ngo 4-3 emdlalweni obushubile odlulele esikhathini esengeziwe.
Ngakolunye uhlangothi, iMamelodi Sundowns izobhekana neGolden Arrows.
ISundowns ifike kulesi sigaba ngemuva kokushaya iPolokwane City ngo 3-2, kanti i-Arrows yenze isimanga esikhulu ngokukhipha iKaizer Chiefs ngo 1-0 eFNB Stadium.
ISundowns izoqala idlalela ekhaya emlenzeni wokuqala, kanti iGolden Arrows izozama ukuqhubeka nohambo lwayo olumangazayo kulo mqhudelwano.
- FUNDA NALA | UCardoso uveza akuxoxe noMaseko
IPremier Soccer League kulindeleke ukuthi maduze imemezele izinsuku, izikhathi nezinkundla okuzodlalelwa kuzo yomibili imidlalo.
- EZISHISAYO| Cofa lapha usithole kuWhatsApp
