UZitha Kwinika ubabaza inhlonipho kaMiguel kwiChiefs
Umdlali wasemuva weKaizer Chiefs, uZitha Kwinika usephawule ngenhlonipho ayithola eqenjini, ikakhulukazi kakaputeni u-Inacio Miguel.
UZitha Kwinika uchaze okwenziwa nguMiguel – ukumnika ibhande lobukaputeni njalo uma esenkundleni – njengesenzi ezikhulu kakhulu nesikhombisa ukuhloniphana okukhona eqenjini.
UMiguel nguyena ongukaputeni osemthethweni weqembu, kanti uKwinika ungomunye wamaphini akhe.
Kodwa noma nini lapho uKwinika esenkundleni, uMiguel umnika ibhande yize lokhu kungaphoqelekile.
Ebuzwa ngalokhu, uMiguel wathi ukwenza ngenxa yenhlonipho anayo ngoZitha Kwinika njengomakadebona weqembu okhule esuka ezinkulisa zeqembu.
“Ngicabanga ukuthi kubaluleke kakhulu kimina ukusho ukuthi nami ngiyamhlonipha kakhulu uMiguel nawo wonke umuntu eqenjini,” kusho uKwinika kuleli sonto.
“Kukhombisa ukuthi akukhona ngokuthi ngubani ongukaputeni, kumayelana neqembu lilonke nokusebenza kwalo ngokubambisana.
“Kubanadlali abakhethwayo ukuthi babe yingxenye yethimba lobuholi eqenjini, kodwa kubalulekile kangako ukuthi ubani ogqoke ibhande.
“Okuhleisayo wukuthi uma ngidlala noMiguel – nguyena olawula kakhulu okumele sikwenze ngenkathi ibhande likimi.
“Ngakho-ke lokho kukhombisa ngokusobala ukuthi ibhande alisho lutho, kodwa okubalulekile ubuholi umuntu anabo, nalokho esifuna ukukuzuza njengeqembu.”
Iqembu lakamuva leBafana Bafana belinabadlali ababili beChiefs kanti uKwinika ukubona kuyinto eqinisa ukuzethemba eqenjini.
UThabiso Monyane ubizwe ezovala isikhala sikaNyiko Mobbie owalimala emdlalweni neLesotho kwathi uShabalala wabizwa eqoqweni lokuqala.
“Ukubizwa kukaMonyane noShabalala kufake ugqozi olukhulu, ngiyabajabulela kakhulu laba bafana,” kwengeza uKwinika.
“Kukhombisa ukuthi siyazama ukwenza okuthile futhi uma ikilabhu imelwe eqenjini lesizwe, kwenza wonke umuntu ajabule.
“Ngakho-ke sekusele kwabanye ukuthi nabo basukume futhi ngethemba ukuthi bathole ithuba lokumela izwe.”
FUNDA NALA | IPirates iphinde yagadla kwiKaizer Chiefs
Khonamanjalo, iChiefs ise-Angola njengoba iqala umkhankaso wayo weCaf Confederation Cup ngoMgqibelo ntambama.
Izogadulisana neBacuscorp emdlalweni ozoba seNovember 11 Stadium eLuanda – umdlalo uqala ngo-5.30 ntambama kanti ubukhoma kuSABC 2.
