Seluphumile uhlu lwemidlalo yeKZN Premier’s Cup
Sekumenyezelwe ukuhleleka kwemidlalo ye-KZN Premier’s Cup ka-2026, ezoba yithuba lokugcina lamaqembu aKwaZulu lokungiselela ukuqala kwesizini entsha.
Amaqembu ayisithupha akulesi sifundazwe azodlala kulo mqhudelwano, kanti amahlanu awo adlala kwiBetway Premiership.
IMilford FC iyona esanda kukhushulelwa esigabeni esiphezulu ngemuva kokunqoba emidlalweni yokuhlunga.
Amaqembu azobamba iqhaza AmaZulu FC, iGolden Arrows, iRichards Bay, iDurban City, iMilford FC neMidlands Wanderers, okuyiyona kuphela edlala kwiMotsepe Foundation Championship.
Ngonyaka odlule lo mqhudelwano wawubanjelwe eRichards Bay, lapho iRichards Bay FC yathatha khona indebe enkundleni yaseMhlathuze Sports Complex.
Kulokhu i-KZN Premier’s Cup izobanjelwa eThekwini. Imidlalo yosuku lokuqala izodlalelwa eSugar Ray Xulu Stadium eClermont ngoJulayi 25.
- FUNDA NALA | IPirates iqinisekisa imidlalo yayo yokuqala
Eyandulela owamanqamu nowamanqamu yona idlalelwe ePrincess Magogo Stadium KwaMashu ngoJulayi 26.
Imidlalo yosuku lokuqala – Julayi 25 eSugar Ray Xulu Stadium
- 10:00: Golden Arrows v Milford FC
- 13:00: Durban City v Richards Bay
- 16:00: AmaZulu FC v Midlands Wanderers
Usuku lwesibili – Julayi 26 ePrincess Magogo Stadium
- Owandulela owamanqamu: Ozonqoba phakathi kweGolden Arrows v Milford FC uzobhekana nozonqoba koweDurban City v Richards Bay.
- Owamanqamu: Ozonqoba phakathi kwaMaZulu FC v Midlands Wanderers uzobhekana nozonqoba kowandulela.
- EZISHISAYO| Cofa lapha usithole kuWhatsApp
