Phakama KZN! IMilford yandise amaqembu esigaba esikhulu eKZN

I-Milford FC isizodlala esigabeni esiphezulu sebhola kuleli njengoba inqobe imidlalo yokuhlunga.

Leli qembu laseRichards Bay libambane ngo 1-1 neMagesi FC emdlalweni wokugcina ngoMgqibelo ntambama ukuze yenyukele kwiBetway Premiership.

Lokhu kwenza leli dolobha elisendla nogu lwaKwaZulu libe namaqembu amabili esigabeni esiphezulu.

Kuphinde kusho ukuthi asemahlanu amaqembu adlala kulesi sigaba seBetway Premiership esifundazweni. 

Ijoyine omakhelwane iRichards Bay FC, iDurban City, AmaZulu FC, iGolden Arrows kulesi sigaba. 

• FUNDA NALA | UMabasa uphawula ngamahlebezi amkhomba kwiChiefs

I-Milford qede imidlalo yokuhlunga kuyiyo eqhwakele kwilogi yamaqembu amathathu obekukhona kuyo iCape Town City neMagesi. 

• EZISHISAYO | Cofa lapha usithole kuWhatsApp