Okubhekwe uDladla kwi-Arrows ngaphambi koweDowns

Umqeqeshi weLamontville Golden Arrows, u-Pitso Dladla, uthi ujabule ngendlela iqembu lakhe eliqale ngayo kule sizini.

Nokho, lo mqeqeshi ukholwa ukuthi bekusekuningi obekumele kulungiswe ngaphambi komdlalo obalulekile neMamelodi Sundowns.

I-Arrows izobhekana neSundowns emlenzeni wokuqala womdlalo owandulela owamanqami weMTN8 eLucas Moripe Stadium ngeSonto ntambama.

UDladla uthi into enkulu okufanele iqembu lakhe liyithuthukise wukusebenzisa kahle amathuba eliwatholayo.

I-Arrows ibilokhu iwakha amathuba emidlalweni yayo yokuqala, kodwa bese ihluleka ukuwasebenzisa ukuthola amagoli.

“Into enkulu neyinselelo esibhekene nayo ukwakha amathuba okushaya amagoli bese siwaguqula abe amagoli,” kusho uDladla.

Uthi ithimba labaqeqeshi lisebenza nsuku zonke ukusiza abadlali ukuthi babe nekhono elingcono phambi kwamapali.

“Ngokwamathuba esiwakhayo kufanele asinike okungenani igoli elilodwa noma amabili emdlalweni ngamunye,” kuchaza yena.

U-Pitso Dladla uthi i-Golden Arrows ngeke ilahle indlela yayo yokudlala ngenxa yokuthi ibhekene neSundowns.

• FUNDA NALA | Okushiwo u-Ouaddou ngoPedersen edlala okokuqala

Iqembu lifuna ukuthola umphumela omuhle ePitoli elizowuthwala liwubuyisele eKZN ngaphambi komlenze wesibili.

La maqembu azophinde abhekane eKing Goodwill Zwelithini Stadium ngo-Agasti 30 emlenzeni wesibili.

• EZISHISAYO| Cofa lapha usithole kuWhatsApp