Kuvuka uhlevane kuZwane uma ecabanga ngoKaizer Motaung
– Udaba ngu-Alfred Ngubane
U-Arthur Zwane uthi uphelelwa amagama uma kufanele akhulume noma abonge umsunguli nosihlalo weKaizer Chiefs, uKaizer Motaung, ohlanganise iminyaka engu-81 ngoLwesine.
“Njalo uma ngikhuluma ngosihlalo, ngizithola ngivukwa uhlevane,” kusho uZwane. “Ngilapho engikhona namuhla ngenxa yakhe.”
Igama likaMotaung lisenhliziyweni yebhola laseNingizimu Afrika — liwuphawu lombono, ubuholi, nokwenza kahle.
Lapho eneminyaka engu-25 nje kuphela ngo-1970, uKaizer Motaung wasungula iKaizer Chiefs.
Kwaba wukuqala kwephupho elagcina liba yinto enkulu — indawo lapho ubuhlakani buhlangana khona nokuziphatha nalapho intsha yaseNingizimu Afrika yathola khona ithemba ngebhola.
WINA | Imali yokuqala ibhizinisi lezemfashini neNikNaks
IChiefs isikhule yaba yisikhungo sesiko lebhola, ikilabhu ethandwa kakhulu ngisho nangale kwemingcele yaseNingizimu Afrika.
Umthelela kaKaizer Motaung umenze wanconywa umhlaba wonke, okuhlanganisa nokuhlonisjwa nge-Order of Ikhamanga.
UZwane, odlale imidlalo engaphezu kuka-250 kwiChiefs futhi wanqoba izindebe ezingu-12, ubonge uMotaung ngokubumba impilo yakhe.
Ngemuva kokushiya iChiefs ngo-Okthoba nyakenye, uZwane ujoyine AmaZulu lapho esengumqeqeshi khona.
FUNDA NALA | UJordaan ucike abalandeli ephendula ekaMokoena
Kodwa uyohlala ebonga ngalokho uMotaung neqembu lakhe abamenzele khona yena nomsebenzi wakhe ebholeni.
“Umbono wakhe wasakhela sonke ikhaya,” kusho uZwane. “Sizombungaza kuze kube phakade.”
