UKanalelo ucacisa ngobudlelwano nomdlali ‘amphoxa’

Umqeqeshi weMarumo Gallants, uRonnie Kanalelo, usephumele obala ngobudlelwano bakhe noKatlego Otladisa.

Lokhu kulandela ukungezwani kwabo emdlalweni ne-Orlando Pirates ngenyanga edlule.

IGallants yahlulwa ngo-2-0 yiPirates kulo mdlalo weBetway Premiership eRoyal Bafokeng Stadium, ePhokeng, ngoSepthemba 20. 

Lo mdlalo bekungowokuqala kaKanalelo kuleli qembu eselizinze eNorth West. 

UKanalelo ungene esikhundleni sikaPhuti Mohafe, oxoshwe ngemuva kwezinyanga ezimbili kuphela ephethe leli qembu.

Kulo mdlalo, u-Ronnie Kanalelo wamangaza abaningi ngesikhathi ekhipha u-Katlego Otladisa kungakapheli ngisho imizuzu engu-20 umdlalo uqalile. 

Amavidiyo asabalala ezinkundleni zokuxhumana akhombisa lo mdlali enqaba ukuxhawula kulo mqeqeshi, ngaphambi kokuthi kube nokuxabana, ozakwabo bezama ukubathulisa.

Lokhu kwenze abalandeli basola ukuthi kukhona ukungezwani phakathi kwabo.

Nokho, uKanalelo ukuphikile lokho, wathi udaba lumayelana nebhola kuphela.

“Abantu bakhuluma ngobudlelwano bethu, kodwa udaba lumayelana nebhola, amaqhinga nokusebenza ngempumelelo,” kusho yena kwiFARPost.

• funda nala | USUKAZI NGOKUSUSWA KWESITHMBE ESICHWENSA IBUCS 

Uthe wayengagculisekile ngokudlala kuka-Otladisa, ikakhulukazi indlela ayesiza ngayo emuva okwakubeka iqembu engcupheni.

• ezishisayo| COFA LAPHA USITHOLE KUWHATSAPP