IDowns icathamela olaxazwe yiPirates, babanga owePolokwane

IMamelodi Sundowns isiveze intshisekelo kumdlali wasemuva osanda kwehlukana ne-Orlando Pirates.

Ngokombiko weSoccer Beat, uDeano Van Rooyen, ungomunye wabadlali iSundowns efisa ukubasayinaukuqinisa iqembu layo.

ISundowns ibheka uVan Rooyen njengomdlali ongayinikeza ukujula nokuncintisana endaweni yasemuva kwesokudla.

Lo mdlali angaba yikhava kaKhuliso Mudau, osaqhubeka nokuba ngomunye wabadlali ababalulekile kule ndawo.

UMudau njengamanje ulimele kanti uzohlala okungenani izinyanga eziyisithupha engadlali.

NoThabang Matuludi wePolokwane City usaqhubeka nokuba yinketho ephambili yeSundowns ukuvala isikhala. 

Lokhu kusho ukuthi iqembu lingase libe nezinketho ezimbili njengoba lihlela ukuqinisa le ndawo.

UVan Rooyen usanda kushiya iPirates ngemuva kokuthi bevumelene ngokunqamula inkontileka yakhe ngokuthula ekuqaleni kwaleli sonto.

Ukuphuma kwakhe kufike ngemuva kokwehluleka ukuthola indawo eqenjini ngaphansi kuka-Abdeslam Ouaddou.

• FUNDA NALA | OweBay uchaza icebo abukise ngalo ngoPetersen

I-Orlando Pirates nayo kubikwa ukuthi inentshisekelo enkulu kuMatuludi njengoba ibheke ukuqinisa indawo yasemuva kwesokudla.

Lokhu kungadala impi ethokozisayo phakathi kwalamaqembu amabili ayizimbangi.

• EZISHISAYO| Cofa lapha usithole kuWhatsApp