IKaizer Chiefs isinqumile ngekusasa likaKhanyisa Mayo
Kubikwa ukuthi iKaizer Chiefs isigcine inqumile ngekusasa lomdlali ebimbolekiwe ngesizini edlule uKhanyisa Mayo.
Ngokombiko we-iDiski Times, leli qembu laseSoweto selifike esivumelwaneni neqembu lase-Algeria, iCR Belouizdad ngalo mdlali.
Amakhosi akhokhe imali yokumthenga unomphela lo mdlali oneminyaka engu-27, obechithe isizini edlule ebolekisiwe eNaturena.
Yize uKhanyisa Mayo engakwazanga ukudlala imidlalo eminingi ngenxa yokulimala, i-Kaizer Chiefs ikholwa wukuthi usenakho okudingekayo.
Ngesizini edlule udlale imidlalo engu-15 kuphela, washaya amagoli amabili emizuzwini engaphezudlwana kuka-600 ayichithe enkundleni.
Imidlalo eyisikhombisa wayiqala, kanti kweminye ubengena esuka ebhentshini.
Manje kulindeleke ukuthi athole ithuba elisha ngaphansi komqeqeshi omusha uFernando Da Cruz, ozimisele ukwakha iqembu elizobuyisela iChiefs ezinsukwini zayo zodumo.
UMayo ubekade evutha engabaselwe kwiBetway Premiership eminyakeni embalwa edlule edlala kwiCape Town City.
Yikho lokho okwenza ahehe iCR Beloiuzdad kodwa izinto zafike zamphika e-Algeria njengoba esebuyela ekhaya nje.
- FUNDA NALA | UMofokeng uphawula ngokujoyina elaseBelgium
Uma le mibiko iqinisekiswa ngokusemthethweni, kuzoba yizindaba ezimnandi kubalandeli be-Kaizer Chiefs ukuthi u-Khanyisa Mayo usengowayo ngokuphelele.
UKhanyisa uzalwa yingwazi yaMakhosi uPatrick Mayo osekukade ayefisa indodana yakhe idlale kuleli qembu azakhela kulo igama naye.
- EZISHISAYO|Â Cofa lapha usithole kuWhatsApp
