BUKA: UMohau Nkota uxhile abeBucs ngejezi leKaizer Chiefs
Ususe izinkulumo uMohau Nkota ebonakala egqoke ijezi leKaizer Chiefs okuyizimbangi ezinkulu zeqembu lakhe lakudala i-Orlando Pirates.
Kuqale kwavela isithombe sakhe efika ejimini yeqembu lakhe elisha i-Al Ettifaq egqoke ijezi laMakhosi.
Manje sekuphinde kwavela nevidiyo lapho uMohau Nkota ekhuluma nomlandeli egqoke lona belu ijezi leKaizer Chiefs.
Kule vidiyo lo mdlali uyadansa ngesikhathi lo omshuthayo embongela.
Lokhu ngokwakho akulona icala ngoba kungenzeka leli jezi waliphiwa ngomunye wozakwabo kuMakhosi.
Nokho akwehlanga kahle kwabanye babalandeli be-Orlando Pirates abamsole ngokuba yimbuka.
Bakhale ngokuthi abakaze bambone ekhangisa ngePirates le eSaudi Arabia la asedlala khona ngokuthi agqoke ijezi layo.
Bathi lokhu akukhombisi ukuthembeka eqenjini elamakha, lamsusa eNothern Cape lazomnika ikusasa eliqhakazile ebholeni.
UNkota ungomunye wabadlali abasebancane abaphuma enkulisa yeZimnyama ebukeka isebenza kahle muva nje.
Zibukele nansi le vidiyo ngezansi:
