ISundowns iguqise iPirates, yathatha indebe yeMTN8

I-Mamelodi Sundowns isinqobe i-Orlando Pirates ngo-2-0 emdlalweni wamanqamu we-MTN8 eMoses Mabhida Stadium eThekwini.

UTeboho Mokoena uvule igoli ngomzuzu ka-12, ngesikhathi iSundowns isebenzisa kahle isiphithiphithi ebhokisini lePirates. 

UThabang Matuludi ubambe iqhaza elibalulekile ngesikhathi edlala ibhola ngesithende, kwalandela uMokoena obeke iqembu lakhe phambili.

IPirates izamile ukubuyela emdlalweni kodwa yathola kunzima ukudlula odongeni lwasemuva lweSundowns.

IBucs ithole ithuba elikhulu lokulinganisa ngemuva kokunikezwa iphenalthi. 

Kodwa unozinti weSundowns, uRonwen Williams, wenze umsebenzi omkhulu walivimba ibhola likaGamphani Lungu. 

Lokho kubonakale kuyisikhathi esibalulekile kulo mdlalo.

• FUNDA NALA | IChiefs iqhwakele kwiDDC, iBucs iqhuzukile

Ngasekupheleni komdlalo, iSundowns ithole iphenalthi, u-Iqraam Rayners wayibeka enethini, kwaba ngu-2-0.

Lelo goli liqinisekise ukunqoba kwe-Mamelodi Sundowns nokuphakamisa indebe ye-MTN8, kwathi iPirates yasala ibambe ongezansi.

• EZISHISAYO| Cofa lapha usithole kuWhatsApp