Bayisikhombisa abasha kwelikaBroos azohlunga kulo
Umqeqeshi weBafana Bafana uHugo Broos usememezele isikwati sakhe sokuqala semidlalo yangenyanga ezayo yokuhlungela iNdebe yoMhlaba ka-2026.
IBafana izobhekana neLesotho neNigeria. INingizimu Afrika izoqala ngokubhekana neLesotho ngoLwesihlanu, lukaSepthemba 5, ngaphambi kokusingatha iSuper Eagles ngoLwesibili, lukaSepthemba 9.
Yomibili le midlalo izoba seFree State Stadium eBloemfontein. Yomibili ihlelelwe ukuqala ngo-6 ebusuku.
Njengoba iLesotho ingakwazi ukusingatha imidlalo ezweni layo ngenxa yokungabi nazo izinkundla ezisezingeni, umdlalo wayo wasekhaya nawo izodlalela eBloemfontein.
Eqenjini azohlunga kulo uBroos uqoke abadlali abayisikhombisa ababiza okokuqala eqenjini lakhe, kubo kukhona:
- Darren Johnson (unozinti wamaZulu)
- Bradley Cross (umdlali wasemuva weKaizer Chiefs)
- Zuko Mdunyelwa (Mamelodi Sundowns defender)
- Puso Dithejane (TS Galaxy)
- Kamogelo Sebelebele (Orlando Pirates)
- Siphesihle Mkhize (Sekhukhune United)
- Gape Moralo (Siwele FC)
Kwabaphesheya uBroos uqoke uMohau Nkota, uSiyabonga Ngezana, uMihlali Mayambela, uLuke Le Roux noBongokuhle Hlongwane.
Ngendlela emangazayo, uKhuliso Mudau naye ufakiwe yize engadlali kule sizini, njengoba kusaqhubeka ingxabano yakhe neMamelodi Sundowns.
Njengamanje iBafana iqhwakele kuGroup C ngamaphuzu angu-13, ishiya iRwanda ngamahlanu, futhi ibukeka isendaweni enhle ukuthi ingene eNdebeni yoMhlaba okokuqala kusukela ngo-2010.
UBroos uzonciphisa leli qembu lakhe asale nabadlali abangu-23 ngaphambi kokuthi kuqale ikhefu lamazwe ngamazwe.
FUNDA NALA | ISundows isikhiphe isitatimende ngemuva kwebhomu likaRibeiro
Lime kanje selilonke leli qembu aliqokile:
- Onozinti: Ronwen Williams (Sundowns); Ricardo Goss (Siwelele FC); Renaldo Leaner (Sekhukhune); Sipho Chaine (Pirates); Darren Johnson (AmaZulu FC)
- Izitobha: Sydney Mobbie (Siwelele FC); Khulumani Ndamane (TS Galaxy); Thabo Maloisane (Stellenbosch FC); Nkosinathi Sibisi (Pirates); Mbekezeli Mbokazi (Pirates); Khuliso Mudau (Sundowns); Samkelo Kabini (Molde FK, Norway); Fawaaz Basadien (Sundowns); Thapelo Morena (Sundoowns); Keagan Allan (AmaZulu); Zuko Mdunyelwa (Sundowns); Ime Okon (Hannover 96, Germany); Malibongwe Khoza (Sundowns) Bradley Cross (Chiefs); Vuyo Letlapa (Sekhukhune); Siyabonga Ngezana (FCSB, Romania); Aubrey Modiba (Sundowns); Deano Van Rooyen (Pirates)
- Abasesiswini: Sipho Mbule (Pirates); Themba Zwane (Sundowns); Mihlali Mayambela (Aris Limassol, Cyprus); Thalente Mbatha (Pirates); Ndamulelo Maphangule (Polokwane); Luke Le Roux (Portsmouth, England); Gape Moralo (Siwelele FC); Siphesihle Mkhize (Sekhukhune); Devin Titus (Stellenbosch FC); Oswin Appollis (Pirates); Patrick Maswanganyi (Pirates); Tshepang Moremi (Pirates); Puso Dithejane (TS Galaxy); Mohau Nkota (Ettifaq, Saudi Arabia); Relebohile Mofokeng (Pirates); Kamogelo Sebelebele (Pirates); Bathusi Aubaas (Sundowns); Jayden Adams (Sundowns); Mduduzi Shabalala (Chiefs); Teboho Mokoena (Sundows)
- Abagadli: Lyle Foster (Burnley, England); Evidence Makgopa (Pirates); Iqraam Rayners (Sundowns); Ashley Cupido (Stellenbosch FC); Bongokhulhe Hlongwane (Minnesota SC, US)
