Uvukwe umunyu uBrandon Petersen, walabisa ngokusolwa njalo
Usuku obekumele ngabe lube ngolwenjabulo kodwa uBrandon Petersen uvele wafikelwa umunyu ekhumbula ubunzima abhekene nabo.
Lo nozinti weKaizer Chiefs uqokwe njengoMdlali oVelelele bebambana ne-Orlando Pirates ngo 1-1 emdlalweni weBetway Premiership.
Lumaqembu angamakhulukazi kuleli ashayane aze abukana eFNB Stadium kanti uBrandon Petersen unconywe ngokuvikisa iChiefs induku.
Kodwa ekhulumangemuva komdlalo, uveze ubunzima abhekana nabo nsukuzonke ngenza yokugxekwa akutholayo.
“Uhlezi uthola uswazi nje uma ungunozinti,” kusho uPetersen. “Kodwa mina akukho ngami, kuhlezi kungeqembu.
“Ngibonga abebengeseka, ikakhulukazi umkami nomndeni wami. Abantu abakwazi engikwenzayo ngale esithe. Ngizinikela ngayo yonke indlela.
“Kusukela ngafika kwiChiefs akukaze kube lula kimi… Bengihlezi nginakiwe, ngihlezi ngisolwa.
“Yingakho ngivukwa wumunyu nje ngoba le ndondo okhu akuyona eyami ngedwa – eyawo wonke obengeseka.”
Uphinde waveza ukuthi ukusebenza kahle kweqembu kulo mdlalo akwenzekanga ngenhlanhla kodwa kungenx ayokuzinikela abakwenzayo nsukuzonke.
“Abantu abakuboni konke lokho. Ngezinye izinsuku ulala umzimba ubuhlungu wonke.
“Kodwa ngoba kusuke kumele ulungele umdlalo olandelayo, uyaziziba zonke lezo zinhlungu.”
