Usenethini kwi-Orlando Pirates omunye ufishi omkhulu
I-Orlando Pirates isiphinde yashiya izimbangi zincela izithupha isayina umdlali waseMali okubatshazwa ikhono lakhe futhi okuthiwa usazoba yinkinga naseminyakeni ezayo.
AmaBhakabhaka kubikwa ukuthi asesayine u-Abdoulaye Mariko, oneminyaka engu-23 ubudala obedlala kwiDjoliba AC.
UMariko bekulindeleke ukuthi afike eGoli ngoLwesine ukuze azohlolwa bese kuqedelwa ukusayina kwakhe.
Kungani lo mdlali ebalulekile kwi-Orlando Pirates
- Iminyaka yakhe nokungenzeka: Njengoba eneminyaka engama-23 nje kuphela, uMariko usevele unamava emiqhudelwaneni yase-Afrika.
- Usedlale imidlalo eyisikhombisa kwiCaf Champions League nompetha baseMali iDjoliba AC.
- Imthole imbanga nezinkunzi: I-Orlando Pirates ihlule iziqhwaga zaseNyakatho Afrika ebezifisa ukuthola lo mdlali wasesiswini, okuwubufakazi bekhono lakhe.
- Uzoqinisa umbango esiswini: UMariko ungumdlali wesine odlala esiswini maphakathi nenkundla osayinwe yiPirates.
Ulandela ukusayinwa koSipho Mbule, uSihle Nduli, noMasindi Nemtajela.
Umqeqeshi u-Abdeslam Ouaddou kucacile ukuthi ufuna ukuba nabadlali abaningi azokhetha kubo.
Ufuna umdlali oqinile, onesibindi nonekhono lokumaka — uMariko uza nakho konke lokho.
Inkontileka kaMariko kwi-Orlando Pirates
- Inkontileka yokuqala: Isivumelwano ngeseminyaka emibili.
- Umbandela wokuyelula: Ikilabhu inombandela wokwengeza enye isizini, okunikeza i-Orlando Pirates izwi uma kwenzeka esehalelwa amanye amaqembu.
Oseusele ukuze kuqedelwe ukusayiwa kwakhe kwi-Orlando Pirates
- Ukuhlolwa kwezempilo: Ukuhlolwa okugcwele kuzokwenziwa eHigh-Performance Centre ezokhethwa yiPirates.
- Ukuhlanganiswa nozakwabo ngaphambi kokuqala kwesizini: Kubhekwe ukuthi ahlanganiswe nozakwabo ngaphambi kohambo lwaseSpain la iqembu liyozicijela khona isizini entsha.
IPirates izodlala neBolton Wanderers, iPafos FC, iLas Palmas, neGranada ngesikhathi ikulolu hambo lwayo. - Umbango wezindawo esiswini: Kulindeleke ukuthi ashubise umbango wendawo yokuqala umdlalo kubadlali basesiswini.
UMariko uzobanga indawo noMbule, uNduli, uThalenteMbatha, uMakhehleni Makhaula noNemtajela.
Odinga ukukwazi ngalo mdlali omusha we-Orlando Pirates
- Indawo adlala kuyo: Udlala siswini maphakathi nenkundla, muhle ekuvikeleni udonga lwasemuva
- Ubude bakhe: Ungu-1.83 m – okwenza akwazi ukuwina amabhola aphezulu, nokufaka unyawo uma kumakwa.
- Isikhathi asidlale kwiChampions League: Udlale imizuzu engaphezu kuak-500 ngo-2023/24 kuphela
- Ikhono lokuphasa: U-88% wamaphasi wakhe aphelela la abeyifuna khona
Uma ubucabanga ukuthi iPirates isiqedile emakethe, mhlawumbe kumele ucabange kabusha.
Hlala nathi la kwiLisenethini, sizolokhu sikwethulela konke okwenzekayo njengoba amaqembu ezihlela kabusha.
