Usale enconcoza u-Andile Mpisane kunqoba iHighlanders AM
Isihlabani seMbabane Highlanders AM, u-Andile “Number 10” Mpisane usethumele umyalezo oshubile ezimbangini zabo kwiMTN Premier League Eswatini.
Nngemuva kokunqoba ngo 2-0 beshaya iManzini Sea Birds eMavuso Sports Centre ngoMgqibelo ntambama, u-Andile Mpisane uveze ukuthi ngeyabo le ligi.
IHighlanders iqede ngalo mdlalo esiwombeni sokuqala ngesikhathi uMsimisi Zwane noSiyabonga Mkhonto beshaya amagoli.
FUNDA NALA | OwoSuthu akafune zaba kodwa amaphuzu aphelele kowomkhaya
IHighlanders ibambelele kwaze kwaphela umdlalo, yaqoqa amaphuzu aphelele okokuqala kusukela iphethwe nguShauwn Mkhize.
“Sizoyiwina iligi – thula ubheke. Konke engikushoyo kuyenzeka. Sizowina umdlalo wethu olandelayo bese sigina sinqobe iligi neligi,” kusho uMpisane ngokuzethemba ngemuva komdlalo.
FUNDA NALA: IChiefs idlale ngokulingana eDR Congo
IHighlanders AM izobhekana ne-Amawele FC eMavuso Sports Centre emdlalweni olandelwayo — kanti uMpisane ugcizelela ukuthi uhambo olubheke esicocweni seluqalile.
Ngemuva komdlalo, uMaMkhize nezihambeli zakhe bahambe bajoyabula nezihlwele.
