Uqinise isandla u-Ouaddou, iPirates ifuna ukubhodlela kwiCity
I-Orlando Pirates isilimemezele iqembu elizoqala umdlalo ngoLwesithathu ebusuku emdlalweni weBetway Premiership nePolokwane City e-Orlando Stadium.
AmaBhakabhaka, ahlezi endaweni yesithathu ngamaphuzu angu-15 emidlalweni eyisikhombisa, kanti ahlose ukuvala igebe kwiMamelodi Sundowns eqhwakele kwilogi.
Abafana baka-Abdeslam Ouaddou bazobe bemagange ukubuyela emgqugweni qokunqoba ngemuva ngemuva kokuhlulwa ngo 3-0 yiSaint-Éloi Lupopo eLubumbashi.
Lo mphumela uqede umgqigqo wokungahlulwa emidlalweni engu-11 kulandelana kuyo yonke imiqhudelwano.
Yize iqale isizini ngokuntengantenga ihlulwa kabili kulandelana, i-Orlando Pirates ibuye yawubamba umgqigqo, yanqoba imidlalo emihlanu yeligi ilandelana.
Khonamanjalo, iPolokwane City yona isendaweni yesithupha kwilogi njengoba inqobe kane, yadlala ngokulingana kwemithathu yahlulwa kabili.
FUNDA NALA | Abasiswe yiChiefs bavunyelwe ukudlala nayo
Ibheke kulo mdlalo igcwele ukuzethemba ngemuva kokuqumba phansi iSekhukhune United ngo 1-0 kungalindele muntu emdlalweni wayo odlule.
- Ibophele kanje iPirates: Chaine – Sebelebele, Ndaba, Seema, Mbokazi – Moremi, Appollis, Nduli, Nemtajela, Maswanganyi – Makgopa.
- Ebhentshini: Dladla, Sibisi, Ndlozi, Mariko, Dabsin, Mbatha, Dlamini, Hotto, Mbuthuma.
