Umlando abeBanyana abashadile bedlala ndawonye koweWafcon
Kuqopheke umlando kwiCaf Women’s Africa Cup of Nations (Wafcon) ngesikhathi abadlali beBanyana Banyana, uRobyn Moodaly-Salgado nonkosikazi wakhe uGabriela Moodaly-Salgado bedlala ndawonye.
Laba babe ngabashadikazi bokuqala abashadile ukudlala ndawonye emdlalweni owodwa kulo mqhudelwano.
Lo mlando uqoshwe emdlalweni wokuqala we-Banyana Banyana kuGroup B bebhekene neTanzania eCasablanca ngoMsombuluko.
URobyn Moodaly-Salgado uqale umdlalo eqenjini lokuqala eliqokwe ngumqeqeshi uDesiree Ellis, kwathi uGabriela Moodaly-Salgado wangena esuka ebhentshini ngomzuzu ka-70.
Ukudlala kwabo ndawonye kuwumlando omkhulu hhayi kwiBanyana kuphela, kodwa nakulo lonke ibhola lase-Afrika.
Bekungakaze kwenzeke ukuthi abashadikazi babonakale enkundleni ndawonye emdlalweni weWafcon.
Nakuba iBanyana igcine ihlulwe yiTanzania ngo 2-1, ukuvela kukaRobyn noGabriela ndawonye kwenze lo mdlalo waba yingxenye yomlando webhola lase-Afrika.
- FUNDA NALA | Kukhuzwa abeBucs ngoPedersen
Lokhu kukhombisa ukuthi ibhola liyaqhubeka nokwephula imigoqo nokubhala umlando ongaphezu kwemiphumela yasenkundleni.
- EZISHISAYO|Â Cofa lapha usithole kuWhatsApp
