Thursday, September 17, 2026
Izindaba ezintsha:
Furthermore, Orlando Pirates enter this match plagued by injuries to key players, including Lungu himself, who came to their rescue in the MTN8.
EzintshaOrlando Pirates

IPirates nesibuyekezo ngabalimele ngaphambi koweCity

1 min read

I-Orlando Pirates ibuyela emidlalweni yeBetway Premiership ngoLwesine ebusuku, ngemuva kwamasonto amabili idlala iCAF Champions League.

Ibuyela ngesitha esijwayelekile: iDurban City ezobhekana nayo e-Orlando Amstel Arena. Umdlalo uqala ngo-7:30 ebusuku.

“Iqembu elivikela isicoco seBetway Premiership lizodlala neDurban City e-Amstel Arena kulobu busuku njengoba lifuna ukuvala igebe kwiSundowns ezihola ngamaphuzu angu-20 emidlalweni eyisishiyagalombili,” kusho iPirates.

IPirates isendaweni yesibili ngamaphuzu angu-13 emidlalweni emihlanu. 

Leli gebe lemidlalo emithathu yiyona nto eyenza ubusuku ngabunye bokudlalela ekhaya bube semqoka. 

“AmaBhakabhaka asendaweni yesibili ngamaphuzu angu-13 emidlalweni emihlanu futhi anethuba lokuvala igebe kwiqembu laseTshwane,” kuqhuba isitatimende.

Iqembu lika-Abdeslam Ouaddou alinamusa emidlalweni yeligi — linqobe emine, ladlala ngokulingana owodwa.

Lishaye amagoli angu-12, langenelwa elilodwa. Kodwa iDurban City ayilula njengoba kubonakala.

Ngesizini edlule, iPirates yayishayela ekuhambeni ngo-2-0,  badlala ngokulingana ngo-0-0 e-Orlando Amstel Arena.

Futhi kwadingeka isikhathi esengeziwe negoli elihle likaGamphani Lungu ukuze iPirates ikhiphe iCity kwiMTN8 ngo-Agasti.

Ngaphezu kwalokho, i-Orlando Pirates iya kulo mdlalo ilinyalelwe abadlali abamqoka okukhona kubo naye uLungu lo owayilamulela kwiMTN8.

“UThalente Mbatha, u-Evidence Makgopa, uSihle Nduli noMohau Nkota basazoqhubeka nokwelashwa kwabo,” kuqinisekisa iPirates.

Nokho, kunezindaba ezimnandi: “UGamphani Lungu no-Andre de Jong bona bazohlolwa ngemizuzu yokugcina ngaphambi komdlalo ukuthi bangadlala yini.” 

I-Orlando Pirates inemidlalo elandela ngayo ngemuva, kodwa namuhla kumele ithole amaphuzu amathathu ukuze ingagcini ingasho lutho leyo midlalo. 

Nokho kuzomele izibambe ziqine futhi ibe sezingeni eliphezulu ngoba iDurban City iyiqembu eselinokuyifukuzisa ikakhulukazi uma isekhaya.

Ezinye ongazithanda

Orlando Pirates is hopeful that his experience can help increase competition among the defenders.

IPirates ixoxisana nomdlali osanda kushiya iGalaxy

Ouaddou says Oswin Appollis has not yet reached the full level of fitness required to play the way that is expected of him at all times.

U-Ouaddou ucacisa ngesimo sika-Appollis

Deano Van Rooyen reportedly followed Chiefs on Instagram before unfollowing Orlando Pirates.

Inkulu intshisekelo ngoVan Rooyen oshiye iPirates