UMosimane uveza okwenze aqoke ‘isitha somphakathi’ uMbuthuma
U-Pitso Mosimane useveze isizathu sakhe esenza amethembe umgadli onokuhhahanyezwa ngabalandeli u-Yanela Mbuthuma.
UMbuthuma kubukeka kunguyena mgadli uMosimane azothembela kuye njengoba eqala ihlandla lakhe lesibili kwiSundowns.
UMosimane ,ubekhuluma ngesikhathi ememezela iqembu lakhe lokugcina elizodlala imidlalo yokuhlungela i-AFCON ekupheleni kwale nyanga.
Ube esebuzwa ngoMbuthuma. Ube eseqinisekisa ukuthi akazange avumele umsindo ozungeze lo mgadli ukuthi umvimbe ekumkhetheni.
Ngesikhathi ebuzwa ngokugxekwa okubhekiswe kulo mgadli we-Orlando Pirates, uMosimane ube esemvikela.
“Isitha somphakathi? Angazi ukuthi abanye abantu bathini futhi angazi ukuthi kungani bembiza ngesitha,” kusho uMosimane.
“Ngicabanga ukuthi ungumdlali weqembu lesizwe. Ushayela i-Orlando Pirates amagoli.
“Ngicabanga ukuthi nimbonile eshaya amagoli e-Orlando Stadium.
“Yebo, mhlawumbe akashayi amaningi ngendlela enifuna ngayo, kodwa uyawashaya yena amagoli.”
Ngaphezu kokushaya amagoli, u-Pitso Mosimane uveze okunye akuthanda ngo-Yanela Mbuthuma okumenza abe ngumdlali ambona efanelwe yiqembu lesizwe.
“Unamandla ngokomzimba futhi ungumdlali ohlezi elambele ukudlala futhi ezinikele, ngakho simnike ithuba,” kuchaza uMosimane.
ULyle Foster no-Evidence Makgopa abekho eqenjini elikhethiwe, okushiya uMbuthuma enethuba lokukhombisa amandla akhe.
IBafana izoqala umkhankaso wayo wokuhlungela i-AFCON ibhekene neGuinea e-Orlando Stadium ngoSepthemba 26.
UMosimane ugcine ingxenye enkulu yeqembu elidlale eNdebeni yoMhlaba, kodwa wengeza nabanye abadlali abasha.
- FUNDA NALA | IBucs nezintsha ngabalimele – uLungu uyabuya
UFoster, uTshepang Moremi, uCemran Dansin, uTshepho Mashiloane noRonaldo van Neel bangabanye abakhishiwe ohlwini lwabadlali abangu-35 obelukhishwe phambilini.
- EZISHISAYO| Cofa lapha usithole kuWhatsApp
