UJerry Sikhosana uveza angenelisekile ngakho ngoHugo Broos
Ngu-Alfred NGUBANE
Inkakha ye-Orlando Pirates uJerry “Legs of Thunder” Sikhosana usehlabe wahlikiza umqeqeshi weBafana Bafana uHugo Broos ngokuziba kwakhe abadlali be-US Major League Soccer (MLS).
ILisenethini ihlangane noLegs of Thunder emcimbini iJuly Chrismas weHollywoodbets eGreyville Racecourse ngesonto eledlule.
UJerry Sikhosana uthe uHugo Broos wenze iphutha ngokushaya indiva omunye wabadlali basemuva abasebancane abebethembisa kakhulu baseNingizimu Afrika.
Uthe ukuziba kwakhe u-Olwethu Makhanya akubanga yisinqumo esihle ngoba uyikusasa lebhola lakuleli.
USikhosana uthi umbuke kahle lo mdlali ngesikhathi iqembu lakhe, iPhiladelphia Union, libhekene ne-Inter Miami kaLionel Messi.
“UMakhanya umake uLionel Messi wamvova inkani. UMessi uphoqeleke ukuthi adikibale, njengoba ephume enkundleni engalishayanga igoli.
“Ngabona lapho ukuthi unamandla ngokomzimba futhi uhlakaniphe kakhulu ngokobuchule,” kusho uSikhosana.
“Mhlawumbe uHugo Broos akalibheki ibhola lase-,” kusho uSikhosana. ngoba iligi yakhona yaziwa ngokuthi igcwele izihlabani zase-Europe esezibheke umhlalaphansi.”
USikhosana ugcizelele ukuthi uMakhanya — kanye nomgadli we-MLS uBongokuhle Hlongwane weMinnesota United — bafanelwe yithuba kwiBafana Bafana.
“Bobabili laba badlali benza kahle. Kumele banikezwe ithuba,” kuqhuba le nkakha eyadlala kwiBafana Bafana eNdebeni yoMhlaba ngo-1998.
Khonamanjalo, kuzothatha amehlo ukubona ukuthi uBroos uzoqhubeka yini nokuziba le ligi njengoba esinye sezethenjwa zakhe sezizoyodlala kuyo.
FUNDA NALA | IPirates ishaye isikhala ngebimfuna kwiGalaxy
Isitobha, uMbekezeli Mbokazi usezoyodlala kwiChicago Fire kusukela ngoJanuwari uma kuphothulwa iCaf Africa Cup of Nations.
ZITHOLE ZISHISA: Cofa lapha usithole kwiWhatsApp Channel yethu
