Tuesday, September 1, 2026
Izindaba ezintsha:
Now that history has been written, and with Gayton McKenzie having made such a massive promise to Bafana Bafana, the team will head into their match against Canada with an extra layer of motivation.
Bafana BafanaEzintshaIndebe yoMhlaba

UMcKenzie nesithembiso esikhulu kwiBafana uma…

1 min read

I-Bafana Bafana isithole isikhuthazo esikhulu semali njengoba uNgqongqoshe wezeMidlalo, u-Gayton McKenzie eseyithembise izindodla zemali.

Lo ngqongqoshe uthi iqembu lizothola u-R5 million ngomdlalo ngamunye eliwunqobayo kusukela koweSouth Korea kuya phambili kwiNdebe yoMhlaba.

Lesi sithembiso sifike ngemuva kokuba abafana bakaHugo Broos beqophe umlando ngokudlulela esigabeni somkhumulajezi okokuqala ngqa.

Sifike ngesikhathi iBafana ilungiselela ukubhekana neCanada eLos Angeles ngeSonto.

Ekhuluma nabadlali be-Bafana Bafana, u-Gayton McKenzie uthe umnyango wakhe usuzibophezele ekuklomeliseni iqembu ngemali enkulu uma liqhubeka nokunqoba.

Uthe le mali inganyuka kakhulu uma sekungene nezinkampani ezizimele zafaka isandla.

“Ngize lapha ukuzonitshela ukuthi kusukela emdlalweni eniwudlale izolo, umnyango uzonipha u-R5 million ngomdlalo ngamunye eniwunqobayo. 

“Kungenzeka le mali inyuke ngoba angikakhulumi nabaxhasi,” kusho uMcKenzie.

“Uma nihlula iCanada nizobe senino-R10 million. Uma niphinde ninqobe umdlalo olandelayo, okungenzeka kube neMorocco, nizobe senino-R15 million.”

Ungqongqoshe uphinde wathembisa ukuthi uzoya ezinkampanini ezinkulu zaseNingizimu Afrika ezifana neCoca-Cola neDiscovery ukuze nazo zifake isandla.

“Bayabaxhasa abadlali bombhoxo. Manje sekuyisikhathi sokuthi beseke iBafana Bafana,” kusho yena.

Njengoba umlando usubhaliwe, no-Gayton McKenzie esenze isethembiso esingaka kwi-Bafana Bafana,  isizoya emdlalweni wayo neCanada inokugqugquzeleka okwengeziwe.

Ezinye ongazithanda

Inkakha ithi iPirates isimtholile ‘uSaleng’ kumdlali omusha

Kaizer Chiefs hiarachy feels that this is a vital lesson learned from the previous, short-lived coaching regime led by Nasreddine Nabi

IChiefs isinaye umqeqeshi omusha njengoba izihlela kabusha

The former SAFA head of communications, (told me) that Vincent Tseka, the team manager of Bafana Bafana, who has made a repeated mess of his job, is, unsurprisingly, responsible for this.

Iminwe ikhomba kuTseka futhi ngenyakanyaka yeBafana