U-Arthur Zwane ubhoboka ngesihluku adlule kuso kwiChiefs
U-Arthur Zwane usedalule ukuthi ukugxekwa akuthola ngesikhathi eqeqesha iKaizer Chiefs kwawuhlukumeza kanjani umndeni wakhe, ikakhulukazi izingane zakhe.
Lowo owayengumdlali nomqeqeshi weChiefs wagxekwa kwathi ngokuhamba kwesikhathi wajikijelwa ngabalandeli ababefuna ukuthi asule noma axoshwe.
U-Arthur Zwane ugcine ehlisiwe esikhundleni yiKaizer Chiefs ngemuva kwesizini eyodwa ephethe iqembu elikhulu.
Kodwa manje izinto sezibukeka zimhambela kahle kuMaZulu FC la asengumqeqeshi khona.
Engxoxweni abe nayo neFARPost, usedalule ubunzima obekumele abubekezelele ukuze abe la ekhona.
“Impilo yami njengomdlali webhola nomsebenzi wami wokuqeqesha ngikubuka ngendlela efanayo – kuyafana kakhulu.
“Ukuthi ngaqala kanjani kwiJomo Cosmos, ngabe sengiya phesheya, ngabuya,” kusho uZwane.
“Ngazithola ngisesigabeni sesibili, ngilwela ukuvuselela umsebenzi wami webhola…
“Bese kuba ukungena eqenjini lesizwe, bese kuba ukuya kwiKaizer Chiefs.”
UZwane ukholwa wukuthi isimo esinzima adlule kuso kwiChiefs esengumqeqeshi besimlungiselela umsebenzi olandelayo.
“Bese ngibona okufanayo emsebenzini wami wokuqeqesha. Ubunzima engibubekezelele.
“Yizinto abanye abantu engicabanga ukuthi zingabasinda bese beshiya phansi, bengenze njengoba ngenza mina njengamanje. Kusukela esimweni ebengibhekene naso…
“Izingane zami zingasakwazi ukugxila esikoleni ngenxa yakho konke obekwenzeka lapho bengikhona,” kwengeza u-Arthur ngesikhathi sakhe kwiKaizer Chiefs.
“Ngakho, ngikubona njengesibusiso kunesijeziso. Bekumele ngibe kuleso simo ukuze ngibe lapho engikhona njengamanje.
“Futhi futhi, ngithanda ukubonga abaphathi baMaZulu, ikakhulukazi umengameli (uSandile Zungu), ngokunginika elinye ithuba.
“Ngokunginika ithuba lokuvuselela umsebenzi wami. Futhi yebo, konke kuphezu kwami manje.
“Kusezandleni zami ukuqhubekela kwelinye izinga, hhayi ngoba ngifuna ukudelisa abathile.
“Angizile ukuzozibonakalisa ukudelisa abathile. Ngenza umsebenzi wami nje. Yimi angakhetha ukuba umqeqeshi.”
