Siyaqhubeka isiqalo esihle sikaMokwena kwiPyramids

U-Rulani Mokwena uyaqhubeka nokugila izimanga emsebenzini wakhe omusha njengomqeqeshi we-Pyramids FC e-Egypt.

IPyramids iqale isizini ngendlela engakaze ibonakale kule minyaka emihlanu edlule. 

Emidlalweni emibili, iqembu selinqobe yomibili, laqoqa amaphuzu ayisithupha.

Lishaye amagoli amahlanu, kanti alikangenelwa ngisho elilodwa.

UMokwena unomlando omude wokuqeqesha kusukela ngesikhathi sakhe eNingizimu Afrika. 

Waqala emsebenzini wokuthuthukisa abadlali ngaphambi kokuba abe yingxenye yethimba labaqeqeshi beMamelodi Sundowns.

Uke wasebenza nakwi-Orlando Pirates, waphinde waqeqesha iChippa United ngaphambi kokubuyela kwiSundowns.

KwiSundowns wagcina esengumqeqeshi omkhulu, wanqoba izicoco ezine zeligi kweziyisikhombisa azinqoba.

Ngemuva kwalokho waya kwiWydad Casablanca yaseMorocco, waphinde wadlulela kwiMC Alger yase-Algeria.

Uphinde wathi qu kwi-Al Ittihad yaseLibya la esheshe washiya ngenxa yokungafezwa jwezethembiso ngokusayinwa kwabadlali.

• FUNDA NALA | UPupuma uveza imfihlo yesiqalo seMilford

Manje isiqalo sika-Rulani Mokwena kwi-Pyramids sesinyuse amathemba kubalandeli njengoba iqembu libukeka lizimisele ukuncintisana kuzo zonke izicoco.

• EZISHISAYO| Cofa lapha usithole kuWhatsApp