OweMamelodi Sundowns uhlanza iqiniso nge‘Spygate’
Ihlazo elenzeke kwiMamelodi Sundowns – eselibizwa ngeSpygate – linyakazisa ibhola lakuleli futhi sekuqinisekisiwe ukuthi ikilabhu iyalusebenza udaba lwalo.
UTiyani Mabunda, oyinxusa lale kilabhu, ukuqinisekisile ngokusemthethweni ukuthi umhlaziyi osenesikhathi eside esebenza kule kilabhu uMario Masha umisiwe.
Leli bhomu liza ngesikhathi esibi kakhulu kumaBrazilians, abhekene nomdlalo onzim weCAF Champions League ozocacisa ukuthi iyasala noma iyaqhubeka yini.
Izobhekana neMC Alger kulo Mgqibelo emdlalweni ophawula ukubuya kowayengumqeqeshi wayo uRulani Mokwena okokuqala eLoftus Stadium.
IZINSOLO ZOBUMPIMPI
UMasha ube yinsika yethimba labaqeqeshi kwiMamelodi Sundowns iminyaka engaphezu kweyishumi.
Kodwa manje usolwa ngokwephula imigomo yokwethemba ekilabhini. Uphenyo lwangaphakathi kubikwa ukuthi lugxile kulokhu:
- Ukukhishwa kolwazi lwamaqhinga: Usolwa ngokweba ulwazi lokuziqeqesha namasu okudlala eqembu bese elunika izimbangi.
- Ukubeka engcupheni iqembu: Lesi senzo sakhe sibeke iqembu engcupheni embi njengoba izimbangi zezazi izimfihlo zalo.
- ‘Ubungani noRulani: Imibiko iphakamisa ukuthi lolu lwazi alwebile ube eseludlulisela kuMokwena.
‘ASIXHAMAZELI’
Ekhuluma no-Andile Ncube kwiSports Night Amplified, uMabunda ukuqinisekisile ukumiswa kukaMasha, kodwa wanxusa ukuthi kulindwe inqubo efanele.
“Impeka kunjalo (umisiwe). Okwamanje sisenza ucwaningo nophenyo lwangaphakathi…
“IMamelodi Sundowns ayiyona ikilabhu exhamazelayo; sizama ukwenza isiqiniseko sokuthi sibheka yonke into ngaphambi kokuthi sithathe isinqumo.”
UMabunda uvumile ukuthi lesi simo “sinzima” ngoba sibandakanya abantu abathembekile ngaphakathi eqenjini.
Lesi yisimo esibucayi kangangokuthi ngisho nabadlali bavame ukungaziswa ngalolu lwazi lwezibalo nolwazi lamasu ekilabhu.
INGABE YIMPIMPI NGAMPELA?
Lesi sihlava sengeze ungqimba olunobuthi ngaphambi kwalo mdlalo wangoMgqibelo.
Umqeqeshi weMamelodi Sundowns uMiguel Cardoso ubevele eseke waziveza izinsolo zakhe.
Uphakamise ukuthi kukhona akusolayo okungekuhle okwenzekayo ngemuva kokudlala ngokulingana kwabo neSt Eloi Lupopo ngempelasonto edlule.
Uveze ukuthi unethemba lokuthi umdlalo ozayo uzoba “nobulungiswa” nokuthi imbangi yabo ngeke “iwaqagele” amaqhinga akhe.
Lesi sihlava sengeze ungqimba lwesiphithiphithi kulo mdlalo wangoMgqibelo:
- I-Sundowns: Kumele iwine ukuze iqinisekise indawo yayo esigabeni somkhumulajezi.
- I-MC Alger: Ukudlala ngokulingana noma ukunqoba kungase kuyidlulisele esigabeni esilandelayo kalula.
- Impi yamaqhinga: UCardoso manje kufanele anqume ukuthi uyaqhubeka namasu akhe okungenzeka imbangi isiyawazi, noma uqhamuka namasha.
OKOKUQALA LOKHU KULELI
Uma lezi zinsolo zifakazeleka ukuthi ziyiqiniso, lokhu kuzobe kungokokuqala kwenzeka emlandweni webhola lakuleli.
Uma kungamanga, kuzobe kusho ukuthi uMasha wenziwe ihhawu lokufihla ukubhacaza kwethimba labaqeqeshi elikhona njengamanje.
FUNDA NALA | Imenenja kaMayo ibhoboka ngekusasa lakhe kwiChiefs
Futhi kuzofaka iSundowns kwelibi ihlazo, elingaphetha ngokuthi uMasha noMokwena bayibophele ukubahlambalaza.
Thina sesiyoyicela ivuthiwe, kanti wena mfundi hlala khona la kwiLISENETHINI ukuze uthole konke ngalolu daba.
