Nali iqembu ezohlasela ngalo iPirates kule sizini ezayo
Sekuputshuke uhla oluphelele kwesikwati i-Orlando Pirates ehlomele ngaso isizini ezayo.
Leli qembu laseSoweto lizobe libhekwe ngabomvu njengoba lizobe lilwela ukuphinda elikwenze ngesizini edlule.
Kwisini yokuqala ngaphansi kuka-Abdeslam Ouaddou, iPirates inqobe izindebe ezintathu, yashiya amanye amaqembu encela izithupha.
Inqobe iMTN8, iCarling Knockout neBetway Premiership. Kule sizini ezoqala ngo-Agasti 1 kubhekwe iphinde yenze kahle.
Nokho i-Orlando Pirates izobe ingenabo abadlali abambalwa abebeseqenjini ngesizini edlule futhi baba nesandla kule mpumelelo.
Kwabaqapheleka kakhulu abangasekho nguRelebohile Mofokeng, uMelusi Buthelezi noSipho “Lamthuthu” Mbule bobabili asebesemaqenjini aphesheya.
I-Orlando Pirates idedele inqwaba
UMofokeng usanda kwemukelwa ozakwabo ngenhlokomo kwiRoyale Unione Saint-Gillion eBelgium la asayine khona inkontileka yeminyaka emine.
UMbule yena udedelwe mahhala yiPirates ekupheleni kwenkontileka yakhe, kanti manje usedlala kwiSakho SC yase-Iraq.
UButhelezi naye ukhululwe mahhala kanti manje usesayine kwiSekhukhune United la okulindeleke avuselele khona umsebenzi wakhe.
Eqenjini eliputshuke kuleli sonto, kunabadlali abambalwa abasha okukhona kubo uKabelo Kgositsile nonozinti u-Ethan Visagie.
Yize i-Orlando Pirates ibingakasiqinisekisi lesi sikwati, kodwa iLisenethini ithole ukuthi yiso, okungenzeka wukuthi kubolekiswe abanye abambalwa uma iqembu selibuya eSpain.
Kukhona nabahlolwayo kwi-Orlando Pirates
Leli qembu njengamanje lisekhempini yokulungiselela isizini eSpain kanti kulindeleke libuye ngasekupheleni kwenyanga.
Sime kanje lesi sikwati sesisonke:
Onozinti: Sipho Chaine, Siyabonga Dladla, Ethan Visagie (omusha)
Izitobha: Nkosinathi Sibisi, Lebone Seema, Thapelo Xoki, Mpho Chabatshane, Deon Hotto, Nkosikhona Ndaba, Sbangani Zulu (omusha), Neo Rapoo (omusha), Kamogelo Sebelebele, Yanga Madiba, Deano Van Rooyen.
Esiswini abahlala emuva: Thalente Mbatha, Makhehlene Makhaula, Sihle Nduli, Goodman Mosele, Masindi Nemtajela, Mthetheleli Mthiyane (omusha), Abdoulaye Mariko, Simphiwe Selepe, Mmatome Molai (omusha).
Esiswini abahlaselayo: Patrick Maswanganyi, Andre De Jongh, Kabelo Dlamini, Thuso Moleleki, Camran Dansin, Cebo Mchunu.
Ezimpondweni: Oswin Appollis, Tsepang Moremi, Gamphani Lungu, Daniel Msendami, Bohlale Ngwato, Kabelo Kgositsile, Siyabulela Mabele.
Abagadli: Evidence Makgopa, Yanela Mbuthuma, Boiyumelo Radiopane
- FUNDA NALA | UDa Cruz nomlayezo kwabeChiefs
Kukhona nabanye abadlali abasuka eqenjini leDDC abahambe neqembu elikhulu ngenhloso yokuthi umqeqeshi u-Ouaddou abahlole kahle.
Uma bemchaza, bazobe sebenyuselwa eqenjini elikhulu. Kuvela ukuthi iqembu lisaxoxisana nanoPeter Shalulile ngokuthi alijoyine.
- EZISHISAYO| Cofa lapha usithole kuWhatsApp
