Naba abanqobe imiklomelo ngokuvelela kweyezindebe kwiPSL

Kube nguRelebohile Mofokeng, u-Elvis Chipezeze, UMbekezeli Mbokazi no? Abadle umhlanganiso ezindondweni zemiqhudelwano yePSL emcimbini ongoLwesibili ebusuku. 

Lo mcimbi wabambezeleka njengoba iMamelodi Sundowns beyidlala kwiFifa Club World Cup la izakhele khona igama. 

Ngokusebenza kwayo – ibeka iPSL ebalazweni lebhola lomhlaba – ibe seyiklonyeliswa ngendondo kasihlalo wePSL u-Irvin Khoza, iChairman’s Special Award. 

URelebohile Mofokeng nguye odle indondo yomdlali obevelele kwiMTN8 ngesizini edlule ebizwa ngeLast Man Standing. 

Le ndondo ubeyibanga nozakwabo kwi-Orlando Pirates uDeon Hotto noFawaaz Basadien obekwiStellenbosch FC kodwa osanda kusayina kwiMamelodi Sundonws. 

UMofokeng waba nesandla ekutheni iPirates inqobe le ndebe, eshaya futhi akhela nozakwabo amagoli abalulekile. 

Ukunqoba kwakhe le ndondo akuzange kuthuse neze njengoba ayiqala ngegiya eliphezulu isizini ngalo mqhudelwano. 

U-Iqraam Rayners weMamelodi Sundowns – osanda kubalisa ngokuqokelwa emkhakheni owodwa kulezi zindondo zePSL – uhlulekile nakuyo leyo eyodwa abeqokwe kuyo.

URayners uthe uziboa kade efanelwe ukungena nakweyomdlali wonyaka kodwa wagcina eqokelwe kwiCarling Knockout Player of the Tournament kuphela.

• FUNDA NALA | UKhune uphawula ngabadlali abasha beKaizer Chiefs

Ubencintisana no-Elvis Chipezeze no-Edmore Chirambandare – le ndondo ihambe noChipezeze owayevimba ngisho impukane kulo mqhudelwano. 

• COFA LAPHA: | Usijoyine kuFacebook

UMbekezeli Mbokazi udle eyeMost Promising Player kwiNedbank Cup, kwathi uPule Mmodi wadla eyePlayer of the Tournament kuwo lo mqhudelwano. 

• Chairman’s Special Award – Mamelodi Sundowns
• MTN8 Last Man Standing – Relebohile Mofokeng
• Carling Knockout Player of the Tournament – Elvis Chipezeze 
• Nedbank Cup Most Promising Player of the Tournament – Mbekezeli Mbokazi
• Nedbank Cup Player of the Tournament – Pule Mmodi

Sekuzongenwa ezindondweni zamaligi ePSL, DStv Diski Challenge, iMotsepe Foundation Championship neBetway Premiership emzuliswaneni wokugcina walo mcimbi. 

WINA! GCWALISA IFOMU NGEZANSI UZIWINELE IJEZI LEQEMBU LAKHO