ISundowns iqede ishobolo le-Afrika kwiClub World Cup
IMamelodi Sundowns seyibe yiqembu lokuqala kwamele i-Afrika kwiFifa Club World Cup eqhubekayo e-US ukunqoba.
Lezi zinkunzi zaseNingizimu Afrika zigobe inkani iqembu laseSouth Korea i-Ulsan UD. ziyigingqa ngo 1-0 emdlalweni kaGroup F.
Lo mphumela ubeke iSundowns phezulu eqoqweni layo njengoba kuyiyo yodwa enamaphuzu amathathu.
Lokhu kulandela ukuthi iBorussia Dortmund yaseGermany neFluminense yaseBrazil bebambane ngo 0-0 emdlalweni wokuqala kaGroup F.
U-Iqraam Rayners nguye ishaye igoli ngomzuzu ka-36, eqedela umnyakazo omuhle wokuhlasela ngokuzumisa weSundowns.
Ube eseqokwa waba nguMdlali oVelele kulo mdlalo obuse-Inter and Co Stadium, e-Orlando ngoLwesithathu ekuseni.
Njengoba seyivule ngewini nje, asemahle amathuba okuthi iSundowns ingakwazi ukuqopha umlando idlulele esigabeni somkhumulajezi kulo mqhudelwano.
