Kuqala uNtwari kwiKruger kowePirates

Unozinti weKaizer Chiefs obolekisiwe, uFiacri Ntwari, uzobhekana nembangi ayijwayele njengoba eqala kwiKruger United ibhekene ne-Orlando Pirates.

UNtwari ujoyine iKruger United ngokubolekiswa Amakhosi ngaphambi kokuqala kwesizini.

Uzoqala ezintini emdlalweni wangoLwesibili kusihlwa oseMbombela Stadium. Uqala ngo-7 ebusuku.

Lo mdlalo uzoba owokuqala ngqa osemthethweni phakathi kwala maqembu.

UNeverdie Makhubela naye uzobhekana neqembu ake wadlala kulo. UMakhubela naye uyaqala emdlalweni nePirates.

Ngakolunye uhlangothi, umqeqeshi we-Orlando Pirates u-Abdeslam Ouaddou uphinde walishintsha kancane iqembu lakhe.

AmaBhakabhaka adlala umdlalo wawo wesine ezinsukwini ezingu-10.

UCamren Dansin, uTsepang Moremi noBoitumelo Radiopane babuyela eqenjini eliqala umdlalo.

Laba badlali bebephunyuziwe emdlalweni weMTN8 wangempelasonto edlule.

IPirates inqobe ngo 3-0 ishaya iSekhukhune United kulowo mdlalo obuse-Orlando Amstel Arena.

UDansin, uMoremi noRadiopane bathatha izindawo zikaSimphiwe Selepe, u-Oswin Appollis noYanela Mbuthuma.

Laba abathathu abaphumile bazohlala ebhentshini njengoba u-Ouaddou eqhubeka nokunikeza abadlali amathuba.

Ibophele kanje iKruger United: Ntwari, Mukumela, Sibiya, Mohamme, Seedat, Nel, Tavengwa, Makhubela, Mphothe, Malatjie, Zwane.

Ebhentshini: Dandjinou, Ndlela, Sibanyoni, Ndlovu, Thwala, Matima, Makhubu, Mngonyama, Mahlangu.

IPirates ibophele kanje: Chaine, Sebelebele, Seema, Zulu, Ndaba, Mthiyane, Mokobodi, Dansin, Moremi, Lungu, Radiopane.

Ebhentshini: Dladla, Xoki, Rapoo, Hotto, Selepe, Masilela, Padime, Appollis, Mbuthuma.