Kubimbe ekugcineni kwiPirates encane eNetherlands

Iqembu lenkulisa ye-Orlando Pirates libambene ngo 1-1 neDe Graafschap emdlalweni wesibili wohambo lwalo eNetherlands.

Leli qembu belifuna ukuvuka lizithathe ngemuva kokushaywa ngo 5-0 yiSBV Vitesse ngoLwesibili.

IPirates iqale umdlalo kahle yakha amathuba amaningi. UMpho Padime ucishe washaya igoli ngebhola abelibekelwe kahle, kodwa laphuma eceleni.

USamukelo Zikalala naye ube nethuba elihle ngaphambi kwekhefu.

Ibhola lakhe alishaye kahle ligcine lishaye ipali. Amaqembu aye ekhefini ebambene ngo 0-0.

Esiwombeni sesibili, iDe Graafschap ibe yingozi kakhulu. I-Orlando Pirates iphinde yangenza engozini embi ngomzuzu ka-80.

USiku Kubayi ukhishwe ngekhadi elibomvu. Naphezu kokusala nabadlali abangu-10, iPirates ihambe phambili ngomzuzu ka-86.

UPadime – osanda kukhusulelwa eqenjini elikhulu – nguyena oshaye igoli lePirates. 

• FUNDA NALA | UPitso nohlelo lokufaka ibhola kubelungu

Kodwa injabulo ayizange ihlale isikhathi eside. IDe Graafschap ilinganise emizuzwini emithathu nje kamuva.

Lokhu kusho ukuthi i-Orlando Pirates encane kusamele ilinde ukunqoba kwayo kokuqala kulolu hambo.

• EZISHISAYO| Cofa lapha usithole kuWhatsApp