Tuesday, September 15, 2026
Izindaba ezintsha:
Kaizer Chiefs will now face Golden Arrows on Sunday, and Brandon Petersen needs to turn in a strong performance and keep a clean sheet.
EzintshaKaizer Chiefs

OweChiefs usephawulile ngoPetersen ‘obahlinzela ezibini’

1 min read

I-Kaizer Chiefs ilahle amanye amaphuzu amabili ePolokwane, kanti kulokhu umqeqeshi uFernando da Cruz ugcine ekuvezile ukukhathazeka kwakhe ngo-Brandon Petersen.

Amakhosi abezihola phambili ngegoli likaLebohang Maboe e-Old Peter Mokaba Stadium ngoMgqibelo futhi ebukeka ezowawola wonke amaphuzu.

Kodwa igoli likaGiovanni Philander eliqhamuke kade kuyikhona, uPetersen walidudulela epalini lakhe, lenze asala amaphuzu amabili.

Lokhu kushiye iChiefs isendaweni yesine kwilogi yeBetway Premiership ngamaphuzu angu-12 emidlalweni eyisithupha.

Kuphinde kwaba elinye igoli ebelingagwemeka ukuthi lingene, okwenze uDa Cruz wakhungatheka.

U-Brandon Petersen useqale ukuba sematheni njalo uma i-Kaizer Chiefs ilahle amaphuzu ngoba uba nesandla emagolini adla inethi yakhe. 

Kule sizini usedlale imidlalo eyisikhombisa, wangenelwa amagoli ayisikhombisa. Uwodwa umdlalo angangenelwanga yigoli kuwo.

Lokhu kuhluke kakhulu kunesizini edlule, lapho abe yinsika ekusizeni iChiefs iqede endaweni yesithathu. 

UPetersen akangenelwa amagoli emidlalweni engu-18 futhi waba sethubeni lokubizelwa eqenjini leBafana Bafana ebelikwiNdebe yoMhlaba.

UDa Cruz ugcine ekhulumile ngalesi simo salo nozinti ngemuva komdlalo.

“Yebo, impela kuyadumaza ngoba esiwombeni sokuqala uBrandon Petersen uvimbe amabhola amabili abemabi.

“Kodwa ngemuva kwalokho angibonanga lutho,” kusho lo mqeqeshi ezama ukubibiyela le nkinga abhekene nayo.

Uthe okwenza leli phutha libe buhlungu kakhulu ukuthi babeyazi ingozi yePolokwane City emabholeni abekwe phansi.

“Besazi ukuthi iPolokwane City yinhle kakhulu emabholeni abekwe phansi nalawo agotshwayo. 

“Kodwa uma singenelwa yilolu hlobo lwegoli, kuyadumaza,” kuqhuba uDa Cruz.

I-Kaizer Chiefs manje izobhekana neGolden Arrows ngeSonto kanti u-Brandon Petersen udinga ukusebenza kahle, angangenelwa yigoli.

Lokhu kungamsiza ukuthi abuyise ukuzethemba futhi anciphise ingcindezi abhekene nayo njengamanje.

Ezinye ongazithanda

Neo Mokoena has left Orlando Pirates after spending just one year at the club, despite having signed a three-year contract.

UMokoena usethole ikhaya elisha ngemuva kokuhlukana nePirates

He went on to say that after this, Sipho Mbule began to change and was no longer the person who was always happy and bringing energy to his teammates.

Kuvela ezishaqisayo ngesimo sikaMbule ekwiPirates

Mdluli says things changed when Royal AM was promoted to the top division. He said many people arrived who were engaging with the team for the first time.

Owayedlala kwiRoyal AM uveza okwaholela ekupheleni kwayo