ISuperSport United iphawula ngokudayiswa kwayo

ISuperSport International ikuqinisekisile ukudayiswa kweqembu layo lePremier Soccer League (PSL), iSuperSport United.

Ithi leli qembu selidayiselwe iSiwele Football Club (Pty) Ltd, okuyiyo esizodlala ezigabeni zePSL kusukela ngesizini ezayo.

Ngokwesitatimende, isivumelwano silandela inqubo yodayiswa esidlangalaleni evalelekile. 

ISiwele FC manje isilinde ukugunyazwa okokugcina yiKomidi eliPhezulu elengamele iPSL.

Isikhulu esiphezulu seSuperSport International, uRendani Ramovha, uthe ukudayiswa kweqembu kuhambisana nendlela entsha yamasu yale nhlanga  no yezokusakaza.

“Sishintsha ukugxila kwethu ukuze siqinise isikhundla sethu njengomsakazi wezemidlalo ohamba phambili e-Afrika nasemhlabeni wonke,” kuchaza uRamovha.

ISuperSport International isiphathe iSuperSport United iminyaka engaphezu kuka-30.

Kuleso sikhathi leli qembu linqobe isicoco seligi amahlandla amathathu, nezinye izindebe.

Usihlalo weSiwele FC uCalvin Le John uchaze le mpumelelelo yokuthenga iSuperSport United njengomuzwa omenza azizwe ehloniphekile.

“Sesinikwe ilungelo lokuqhubeka naleli fa. ISuperSport United yakha isisekelo esiqinile,” kusho uLe John.

• FUNDA NALA  | IMagesi isimtholile umqeqeshi ‘osemncane’ ebimfuna

“Thina sesihlose ukwakhela phezu kwaso — uma i-PSL isigunyaza ukuhubeka.”

• SIJOYINE KU-FACEBOOK | Lisenethini.co.za

Zonke izinhlangothi — iSiwele FC, iMultiChoice, neSuperSport — bavumelane ngokungasho lutho olunye ngalolu daba kuze kuphume isinqumo sePSL ngalo.