IStellies nengcindezi ngoMoloisane – abavumelani ngokwelula
IStellenbosch FC izolahlekelwa ngomunye wabadlali abayizinsika zeqembu emuva ekupheleni kwesizini ezayo.
Imenenja kaThabo Moloisane, uKarabo Tshabuse, isikuqinisekisile ukuthi umkhankaso ka-2025/26 kuzoba ngowokugcina naleli qembu.
UThabo Moloisane ujoyine iStellies eminyakeni emibili edlule esuka kwiMaritzburg United ebidliwe yizembe ngaleso sikhathi.
“Yebo, lona ngunyaka wethu wokugcina neStellies,” uTshabuse usho kanje kwabeSABC Sport.
“uThabo ube nesikhathi esimangalisayo kwiStellies, okuhlanganisa nokuqokelwa kwiBafana Bafana okokuqala.
“Sizamile ukuxoxisana ngokwelulwa inkontileka, kodwa asikwazanga ukuvemelana.”
UMoloisane udlale imidlalo engu-46 kuyo yonke imiqhudelwano ngesizini edlule.
Wakhe ubudlelwano obuqinile nomdlali wasemuva odabuka e-Ivorian u-Ismael Toure.
Laba bobabili basize iStellenbosch ukuqeda endaweni yesithathu kwiBetway Premiership, yafinyelela kowandulela owamanqamu kwiCaf Confederation Cup.
Njengoba uToure esedayiselwe iqembu le-UAE Pro League, iBaniyas, umqeqeshi uSteve Barker manje ubhekene nomsebenzi wokwakha kabusha udonga lwasemuva.
UMoloisane oneminyaka engu-27 ubudala uzotholakala mahhala kusukela ngoJulayi 1, 2026, futhi uzovumeleka ukusayina inkontileka nelinye iqembu kusukela ngoJanuwari.
Lokhu kungase kwenze iStellies inqume ukuvele yenze imali manje ngaye uma kwenzeka kuvela elinye iqembu elibeka into ebhekile etafuleni.
Uvele umataniswa namaqembu ahlukene okubalwa kuwo i-Orlando Pirates, iKaizer Chiefs neMamelodi Sundowns.
IStellenbosch izoqala isizini entsha ngomdlalo womzuliswano wokuqala weMTN8 la izobhekana khona naMaZulu FC ekuqaleni kuka-Agasti.
Izobe yethembe kuthi uThabo Moloisane uzovalelisa ngokwenza kahle kwisizini yakhe yokugciina kuleli qembu.
