IGalaxy imemezele abadlali abangu-13 abasha 

I-TS Galaxy isimemezele ukufika kwabadlali abasha abangu-13 njengoba iqhubeka nokwakha iqembu elizolwa ngalo ngesizini ka-2026/27.

IRockets yenze lesi simemezelo ngoMgqibelo, ikhombisa ukuzimisela ukuqinisa iqembu ngaphambi kokuqala kwesizini entsha.

Omunye wabadlali abagqame kakhulu nguSiphesihle Tati, ophuma enkulisa yeKaizer Chiefs. 

Lo mdlali oneminyaka engu-21 ubudala ushiye iChiefs ngemuva kokusiza iqembu layo leDStv Diski Challenge ukunqoba iligi ngesizini ka-2024/25.

Ube esejoyina iLerumo Lions edlala kwiMotsepe Foundation Championship ngesizini edlule.

I-TS Galaxy isivele ikhombise ukumethemba kakhulu ngokumnika ijezi elingunombolo-10, ebeligqokwa nguSiphesihle Maduna ngesizini edlule.

Elinye igama elidonsa amehlo nguSifiso Ngobeni, obedlalela iCape Town City ngesizini edlule, lapho edlale khona imidlalo engu-25.

• FUNDA NALA | IPirates inqobile, kwabhimba kwiChiefs

Abanye abadlali abasayiniswe yi-TS Galaxy nguNhlakanipho Ngwenya, Katekane Mhlongo, Thabelo Tshikweta, Azola Jakalashe, Lennol Mathebula, Mpho Maoke, Simthandile Sishi, Anslin William, Bongani Van Der Heiden, Camangu Mdevulana noZuko Gxabusa.

Ngakolunye uhlangothi, leli qembu liphinde lamemezela ukuhamba kukaNhlanhla Mgaga noSolomon Letsoenyo, asebehlukene neqembu ngaphambi kwesizini entsha.

• EZISHISAYO| Cofa lapha usithole kuWhatsApp