IPirates ishintshe isikimu, iChiefs inike abancane ithuba kweyokugcina
Uphinde walishintsha iqembu lakhe umqeqeshi we-Orlando Pirates, kanti i-Kaizer Chiefs inike abadlali abasebancane ithuba.
Lokhu kuvele njengoba lezi ziqhwaga zaseSoweto zikhipha amaqembu ezizoqala ngawo imidlalo yazo yokugcina kule sizini.
I-Orlando Pirates inengcindezi yokunqoba ukuze ithathe isicoco seBetway Premiership okokuqala eminyakeni engu-14.
Ngaphezu kwalokho kuzoyenza yephule irekhodi eyalibeka yona lokudla izicoco ezintathu ngesizini eyodwa.
Kodwa ke kumele leli qembu lika-Abdeslam Ouaddou lishaye i-Orbit College kulo mdlalo wokugcina oseMbombela Stadium ukuze kwenzeke lokho.
I-Orbit ngokwayo ifuna ukunqoba ukuze ibalekele izembe eliyixine kabi kusukela isizini iqala kuze kube manje.
Ngakolunye uhlangothi, iKaizer Chiefs akusekho okutheni ekudlalelayo njengoba indawo yesithathi seyiyiqinisekisile.
Yingakho mhlawumbe abaqeqeshi benqume ukunika abadlali abasebancane, abangazange badlale kangako kule sizini ithuba.
Ibophele kanje iPirates (4-3-3): Chaine – Ndaba, Sebelebele, Sibisi, Seema – Mbatha, Selepe, Mofokeng – Appollis, Moremi, Mbuthuma
Ebhentshini: Buthelezi, Chabatsane, Shandu, Hotto, Dansin, Mariko, Maswanganyi, De Jong, Makgopa
IChiefs yona ibophele kanje (4-3-3): Mazhamba – Cross, Frosler, McCarthy, Inacio – Vilakazi, Ngcobo, Maboe – Baartman, Velebayi, Hlongwane
Ebhentshini: Petersen, Masango, Mako, Sirino, Morris, Ndlovu, Mmodi, Chislett, Phago
