Ezithembisayo kwiChiefs ngomdlali obeselibalekile

Sekuvele izindaba ezinhle ngomdlali wasemuva we-Kaizer Chiefs osekunesikhathi agcina ukubonakala eqenjini.

Sekuvele ukuthi uRushwin Dortley usekulungele ukubuyela enkundleni ngemuva kokuphuthelwa yisizini yonke edlule ngenxa yokulimala.

ISoccerBeat ibika ukuthi lo mdlali kulindeleke ukuthi abuyele ngokugcwele ekujimeni neqembu njengoba seliqale amalungiselelo esizini entsha.

UDortley akazange adlale ngisho umdlalo owodwa ngesizini edlule ngenxa yokulimala okwamenza wachitha izinyanga eziningi elashwa.

Ukubuya kwakhe kuzofika ngesikhathi esihle kumqeqeshi omusha we-Kaizer Chiefs, uFernando Da Cruz, ofuna ukwakha iqembu elizolwela izicoco kule sizini ezayo.

Abalandeli baMakhosi nabo bazojabula ngokubona lo mdlali ephinde egqoka ijezi leqembu, njengoba abaningi bekholwa ukuthi unamandla okuqinisa udonga lwasemuva.

Ngaphambi kokulimala kwakhe, uDortley wayesezakhele igama njengomunye wabadlali basemuva abathembisayo kwiBetway Premiership.

Wayeseze wangena nakwiBafana Bafana. Kodwa ukulimala kwaphazamisa konke lokho njengoba esezoqala phansi nje.

• FUNDA NALA | Okusha ngePirates noShalulile

Uma konke kuhamba ngokohlelo ngesikhathi sokulungiselela isizini, kulindeleke ukuthi lo mdlali abe phakathi kwabadlali abazobe bekhona uma i-Kaizer Chiefs iqala umkhankaso wayo omusha wesizini ka-2026/27.

• EZISHISAYO| Cofa lapha usithole kuWhatsApp