BUKA: UMngqithi ushaye isisoka egabha uKhune kwiYanga

Umqeqeshi omusha weYoung Africans, uManqoba Mngqithi ukhombise ubuhlakani nesisoka ‘agabha’ ingwazi yeKaizer Chiefs u-Itumeleng Khune.

UKhune – osanda kuwabeka ethala amagilavu akhe – usenze izifundo zokucija onozinti kanti njengamanje ubengakaze asebenze ndawo njengomqeqeshi.

Njengamanje u-Itumeleng Khune ungomunye wabahlaziyi beNdebe yoMhlaba kwiSABC Sport la esebenzisana khona no-Manqoba Mngqithi phakathi kwabanye.

Ngemuva kokumenyezelwa kukaMnqgithi njengomqeqesi weYanga, ubuzwe nguThabiso Mosia ukuthi engemthathe yini uKhune amfake ethimbeni lakhe. 

Ehleka, uMngqithi uthe: “Cha, lo uzohlale eyingwazi yeKaizer Chiefs. Ngicabanga ukuthi amadlozi awafuni ahlukane neKaizer Chiefs.”

Lokhu kubonakalise ukukhula kwalo mqeqeshi ngokuthi engalokhu ezama ukuchaza, kodwa avele amgabhe ngendlela enenhlonipho.

Njengoba u-Manqoba Mngqithi emgabhile u-Itumeleng Khune, sekubhekwe ukuthi ngobani azobafaka ethimbeni lakhe azoya nalo eTanzania.

• FUNDA NALA | UNwabali ubuyele kwiChippa

Kubhekwe ukuthi phakathi kwabo kube khona uYardaan Valodia ongumhlaziyi wokusebenza kweqembu.

UValodia ubesebenza noMgqithi kwiGolden Arrows kanti ukushiya kwakhe kuvele kwabezindaba ngeSonto emini. Buka ividiyo ngezansi:

• EZISHISAYO| Cofa lapha usithole kuWhatsApp