Amajita avukwe amadlingozi, abukisa ngeNew Caledonia
Iqembu laseNingizimu Afrika labafana abaneminyaka engaphansi kuka-20, Amajita, livuke lazithintitha ngemuva kokuhlulwa emdlalweni wokuqala kwiFifa Under 20 World Cup.
Leli qembu linqobe ngo 5-0 lishaya iNew Caledonia emdlalweni walo wesibili esigabeni samaqoqo — ukunqoba kwabo okukhulu kunakho konke okwake kwenzeka kulo mqhudelwano.
Lo mphumela uwukuwina kwalo okwesibili kuphela eNdebeni yoMhlaba, okokuqala kwaba wukunqoba ngo 2-0 behlula iHonduras ngo-2009.
Amaphuzu amathathu akhuphulele Amajita endaweni yesithathu kuGroup E njengoba enamaphuzu amathathu.
Izikhathi ezibalulekile kulo mdlalo zihambe kanje:
- Umzuzu ka-25: USiviwe Nkwali uvule inkundla ngegoli alishaye ngekhanda, engqofela enethini ibhola enbeligotshwe nguLangelihle Phili.
- Umzuzu ka-34: UShakeel April ushaye elesibili ngephenathi kulandela ukudlaliswa kabi kukaSiviwe Magidigidi ebhokisini.
- Umzuzu ka-43: UMagidigidi ushaye elakheelokuqala nokube ngelesithathu kuMajita, kwaba ngu 3-0 ngaphambi kwekhefu.
- Umzuzu ka-52: UMagidigidi uphinde elakhe lesibili, enza kube ngu 4-0 ngemuva kokuphaselwa elihle ibhola nguMfundo Vilakazi.
- Umzuzu ka-80: ULazola Maku ushaye elesihlanu ngeshodi elimangalisayo ekude nepali.
Izinguquko eqenjini
Umqeqeshi uRaymond Mdaka wenze izinguquko ezimbili eqenjini ebelidlale umdlalo wokuvula la bashaywa khona iFrance ngo 2-1.
Uqale ngoMfundo Vilakazi noMagidigidi ezindaweni zoKutlwano Letlhaku noJody Ah Shene.
WINA | Ithuba lokuwina neVicks neLisenethiniÂ
Bobabili babonakalisile ukuthi akwenziwanga iphutha ngokubaqalisa njengoba uVilakazi kunguye ophakele uMagidigidi womabili amabhola ashaye ngawo amagoli.
Ukugeleza komdlalo
INingizimu Afrika yiyo elilawula umdlalo zisuka, kanti ibhola likaMagidigidi alikhahlelel ipali ngomzuzu wesishiyagalolunye lacishe ladla inethi.
Kusukela lapho, iqembu likaMdaka belizenzela kulo mdlalo, kwazise iNew Caledonia beyihlezi emuva izama ukusebenzisa amabhola amade.
Iqembu liyethembisa
Ukunqoba ngo 5-0 kubeke Amajita esendaweni yesithathu, elingana ngamaphuzu neFrance, ehlulwe ngo 3-0 yi-USA.
Okuhle nokho wukuthi lo mphumela uphushele iNingizimu Afrika esicongweni salawo angase aqede endaweni yesithathu, okukhulisa amathuba okudlulela phambili.
FUNDA NALA | Ingwazi ivikela uMayo osolwa ngomona
Umdlalo olandelayo
Amajita azobhekana ne-USA ngeSonto ngo-10 ebusuku e-Estadio El Teniente kanti uma enganqobakulo mdlalo engaba sethubeni elihle kakhulu lokudlulela phambili.
