🔥Onozinti abahlanu abaphambili kwiBetway Prem okwamanje

Unozinti weKaizer Chiefs uBrandon Petersen ubhala kabusha amabhuku omlando kule sizini.

Ube ngunozinti wokuqala waMakhosi eminyakeni embalwa edlule ukungangenelwa goli emidlalweni eyisikhombisa kwengu-10 yokuqala yeBetway Premiership.

Kodwa-ke, naphezu kwefomu yakhe enhle, uPetersen usalokhu ezitshwa uma kuqokwa isikwati seBafana Bafana.

Njengamanje uhlezi phezulu ohlwini lonozinti abanemidlalo eminingi abangangenelwanga goli kuyo.

Uphambili konozinti beqembu lesizwe uRowen Williams noSipho Chaine.

Nalu uhlu lonozinti abahlanu abahamba phambili bephethe kwiBetway Premiership kule sizini:

🥇 1. Brandon Petersen – Kaizer Chiefs (Akangenelwa goli kweyisikhombisa emidlalweni engu-11)

Ngemuva kokulwela indawo yokuqala ngesizini edlule eyibanga noBruce Bvuma, uPetersen usephenduke isethenjwa kwiChiefs. 

🥈 2. Sipho Chaine – Orlando Pirates (Akangenelwanga goli emidlalweni eyisithupha kwengu-10)

IPirates isadlale imidlalo embalwa yeligi ngenxa yokuba semiqhudelwaneni eminingi, kodwa uChaine usaqhubeka nokuvelela. 

Akangenelwanga goli emidlalweni eyisithupha kanti lokhu kusize ukugcina amaBhakabhaka eqinile emjahweni wesicoco, esele ngamaphuzu amathathu kuphela kwiSundowns.

🥉 3. Rowen Williams – Mamelodi Sundowns (Akangenelwanga goli emidlalweni eyisithupha kwengu-12)

Ube ngunozinti ovelele ngesizini edlule. Umdlalo wakamuva uWilliams angangenelwanga goli kuwo bewuphakathi nesonto bebhekene ne-TS Galaxy. 

🔹 4. Darren Keet – Durban City (Akangenelwanga goli emidlalweni eyisithupha kwengu-12)

Lo nozinti oneminyaka engu-36 ubudala usengomunye wonozinti abathembeke kakhulu kwiligi. 

Amava akhe abebalulekile ekugijimeni okumangalisayo kweDurban City, okwamanje ehlezi endaweni yesikhombisa kwilogi.

🔸 5. Darren Johnson – AmaZulu (Akangenelwanga goli emidlalweni emihlanu kweyisishiyagalombili)

Lo nozinti ubekhuhla ibhentshi kwiChippa United kanti usheshe wakhomba ukubaluleka kwakhe kuMaZulu. 

Emidlalweni eyisishiyagalombili kuphela, uJohnson usize Usuthu ukuthi lunqobe kahlanu nokudlala ngokulingana kwemithathu, ekhomba ukuba ngunozinti oqinile ethatha izintambo kuRichard Ofori.

FUNDA NALA | Uphinde wadida uWadu ebophela elePirates

Njengoba uPetersen ezihola phambili okwamanje emjahweni futhi umbango kaNozinti weSizini uya ushuba, kuyacaca kusazoba mnandi. 

• Lolu daba lushicilelwa okokuqala yiSoccer Laduma

ZITHOLE ZISHISA: Cofa lapha usithole kwiWhatsApp Channel yethu