Usejike ukukhuluma uNabi ngabadlali beChiefs ‘abangebahle’
UNasreddine Nabi, umqeqeshi weKaizer Chiefs, useshintshe umbono wakhe ngabadlali bakhe futhi manje uthi akazwakalanga kahle kwayeqonde ukukusho.
Lo mqeqeshi waMakhosi wakusho ephindelela ngesizini edlule ukuthi akajabule ngabadlali anabo eqenjini.
Lokhu kwaholela ekutheni kulindelwe ukuthi iqembu lizokwenza izinguquko ezinkulu ukuze limtholele abadlali azoneliseka ngabo.
Kodwa iChiefs izishayele ngolonwabu emakethe yabadlali, okuyisenze esinghambisananga nalokho obekulindelekile ngokwashiwo uNabi.
Njengoba uNabi esengena kwisini yakhe yesibili, kuzoba kukhulu okulindeleke kuye, ikakhulukazi kwiligi.
Amakhosi azophinde abuyele ebholeni le-Caf njengoba ezoncintisana kwiConfederation Cup ngemuva kokuwina iNedbank Cup.
Ngaphambi komdlalo wokuqala weChiefs kwiBetway Premiership la izobhekana khona neStellenbosch FC, uNabi ukhulume ngabadlali asebesayiniwe kuze kube manje.
“Engikusho ngesizini edlule kungenzeka ukuthi akuazange kuqondakale kahle,” kusho lo mqeqeshi waseTunisia.
“Ngifuna ukugcizelela ukuthi bengifuna ukwengeza uhlobo lwabadlali abazongena kahle ohlakeni lwami lokudlala…
“Kodwa hhayi ukuthi bengisho ukuthi anginabo abadlali abahle. Ngifuna nje ukukucacisa lokho.”
UNabi uthe ujabule ngabadlali anabo, kodwa wavuma ukuthi kuzobonakala ngokuhamba kwesizini ukuthi ngabe basayine kahle yini.
“Okwesibili, singena kwisizini entsha nabadlali abasha,” kwengeza lo mqeqeshi ozikhulumelayo.
“Abaphathi bazamile konke okusemandleni abo ukuthola abadlali futhi manje kumele sibanikeze isikhathi.
“Sizobona ngokuhamba kwesikhathi ukuthi senze izinqumo ezinhle yini, kuye ngokuthi bangena kanjani eqenjini nasohlakeni lokudlala.”
IChiefs isayine u-Ethan Chisslett, uNkanyiso Shange, uFlavio Silva, uPaseka Mako, uThabiso Monyane, noSiphesihle Ndlovu.
Nokho kusekhona abanye eyamaniswa nabo okukhona nomgadli u-Etiosa Ighodaro noKeletso Makgalwa.
