UPercy Tau nabanye abasha kwiBafana
UPercy Tau ubuyele eqenjini leBafana Bafana okuzohlungwa kulo isikwati esizodlala emidlalweni yokuhlungela iNdebe Yomhlaba ebalulekile.
Lo mgadli uqokwe esikwatini sabadlali abangu-37 sokuqala seBafana Bafana esikhishwe ngoLwesibili.
Lokhu kuza yize izinyanga ezimbalwa uPercy Tau engekho eqenjini lesizwe. Wagcina ukudlalela iBafana ngoJuni 2023 ibhekene neNigeria.
Ngemuva kokunyiwa yijezi kwi-Al Ahly, uTau udlulele kwiQatar SC ngoJanuwari, lapho esedlale khona imidlalo emine.
Umqeqeshi uHugo Broos uke wamshiya ngaphandle, eveza ukukhathazeka ngesimo seqembu lakhe nengcindezi yabalandeli.
IBafana izobhekana neLesotho ePeter Mokaba Stadium ngoMashi 21 ngaphambi kokuvakashela e-Ivory Coast ukuyodlala neBenin ngoMashi 25.
Ihlezi endaweni yesibili kuGroup C, iyalingana ngamaphuzu ayisikhombisa neRwanda neBenin.
Ukunqoba kule midlalo kungase kuqinise ithemba leNingizimu Afrika lokungena eNdebeni yoMhlaba.
UBroos ubuyisele nomgadli we-Orlando Pirates osefomini uTshegofatso Mabasa osehlohle amagoli angu-13 kule sizini.
Kubizwe nobuso obusha kubafana basemuva beTS Galaxy uKhulumani Ndamane noSamukelo Kabini, no-Ashley Cupido noDevin Titus beStellenbosch FC .
Iqembu lokuqala leBafana Bafana liqokwe kanje
- Onozinti: Ronwen Williams (Mamelodi Sundowns); Ricardo Goss (Supersport United); Sage Stephens (Stellenbosch FC); Sipho Chaine (Orlando Pirates)
- Abadlali basesiswini: Teboho Mokoena (Mamelodi Sundowns); Jayden Adams (Mamelodi Sundowns); Bathusi Aubaas (Mamelodi Sundowns); Sinoxolo Kwayiba (Chippa United); Ndamulelo Maphangule (Polokwane City); Luke Le Roux (IFK Värnamo, Sweden); Siphesihle Mkhize (Sekhukhune United); Thalente Mbatha (Orlando Pirates)
- Onozinti: Ronwen Williams (Mamelodi Sundowns); Ricardo Goss (Supersport United); Sage Stephens (Stellenbosch FC); Sipho Chaine (Orlando Pirates)
- Phambili: Evidence Makgopa (Orlando Pirates); Devin Titus (Stellenbosch FC); Oswin Appollis (Polokwane City); Patrick Maswanganyi (Orlando Pirates); Tshegofatso Mabasa (Orlando Pirates); Iqraam Rayners (Mamelodi Sundowns); Relebohile Mofokeng (Orlando Pirates); Ashley Cupido (Stellenbosch FC); Thapelo Morena (Mamelodi Sundowns); Elias Mokwana (Esperance De Tunis, Tunisia); Lyle Foster (Burnley, England); Percy Tau (Qatar SC, Qatar); Mihlali Mayambela (Aris Limassol, Cyprus)
