UMothwa kumele asekwe kule abhekene nayo – Arendse
- Sibongiseni GUMBI
Into eyenzeke kuVeli Mothwa ibuhlungu futhi u-Andre Arendse ukholwa wukuthi kumele asekwe ngayo yonke indlela.
UMothwa usae ngaphandle eqenjini lesizwe elizodlala neCongo Brazzaville emidlalweni yokuhlungela iCaf Africa Cup of Nations.
Lo nozinti wehlelwa yishwa lokwenza iphutha iBafana idlala ne-Uganda, waphinda elinye kuMaZulu FC bedlala nePolokwane City.
Ekhuluma emasontweni ambalwa edlule ngalesi simo esibhekene noMothwa, u-Arendse wanzusa ukuthi asekwe.
“Uma ngibheka umuntu ofana noVeli, kumele simvikele,” kusho u-Arendse naye owayengunozinti ngezikhathi zakhe.
“Ngiyasazi lesi simo – ngake ngaba kuso futhi abukho ubuhlungu obudlula lobu obuzwiwa uVeli futhi usazobuzwa isikhathi eside.
“Kwangenza nami esigabeni sebhola lomhlaba. Ngiyakwazi abhekene nakho. Kumele simsize, kumele simvikele.
“Ukuthi siyaqhubeka nokumdlalisa noma siyamphumuza, kumele sikhulume naye, sivuselele ukuzethemba kwakhe.
“Into okumele uyazi ngokuba unozinti wukuthi umsebenzi ongabongwa ngokuwenza ngoba wena akumele wenze iphutha.”
Umqeqeshi weBafana, uHugo Broos, umshiye ngaphandle uMothwa eqenjini lakhe kanti ukucacisile ukuthi lokhu okwamehlela kungenzeka kunoma yimuphi unozinti.
